Tukudise Luholo Luetu Lua Gulongesa Mbimbi ya Nzambi—Tuhane Athu Tuana Gulongesa Biblia Formasio
Idi nu Ndando Itshi: Alandudi ahe-ahe a Yesu adi naye gukadikila “milonga yagasue” Yesu waawambelele, gifa gulongesa mbimbi ya Nzambi gua athu ako. (Mat. 28:19, 20) Ako mu katshi diawo, ana gukalagala gale mene mu Khalasa dia Mudimo wa Teokrasi, tangua diko ana gulongesa enya fami jiawo nga mafuta awo. Uvi luholo ana gusuanguluga muavula nu mbimbi tuana gualongesa, nu luholo asadiga gujiya egi Yehowa wana gutshigina egi athu agasue avue mbimbi yabonga, athu ene tuana gulongesa Biblia ajiya gutoga egi tuzoge nawo mu mudimo wetu wa Ufumu. (Lomo 10:13, 14) Gila abua alongeshi khenji abatijiwa ndo, ajiya gukalagala mudimo wene muabonga gila azula formasio yabonga.—Luka 6:40.
Milonga ya gukalagala mu mbeji eyi:
Longesa mbimbi ya Nzambi inzo nu inzo nu mulongeshi muhe-muhe, vutugilenu athu atshigina mbimbi, nu athu ako wana gulongesa Biblia. Gila ushiko nu mulongeshi muhe-muhe, wajiya gutomba mu hungu, mulongeshi mumoshi ashiko gujiya milonga yavula, uzoge nenji hagumuhana formasio.