**Tukudise Luholo Luetu lua Gulongesa Mbimbi ya Nzambi—Guhana mukanda Qu’enseigne réellement la Bible ? (Itshi Biblia yana Gulongesa?)**

Idi nu Ndando Itshi: Mukanda Qu’enseigne réellement la Bible ? udi mukanda wa thomo wa gulongesela mbimbi ya Nzambi. Uvi Gutuama dia gulonguga nu muthu, tudi naye thomo gumuhana nawo. Hakiene, mukuta’etu agasue tudi naye guhaga ngolo hagujiya luholo lua guhana mukanda Qu’enseigne réellement la Bible ? mu mudimo wetu wa gulongesa mbimbi ya Nzambi. (Ish. 22:29) Gudi nu maluholo avula aguuhanela, uvi alongeshi ajiya gutomba luholo lumoshi lua gukalegela.

Luholo Wajiya Guhana Mukanda Wene:

Hula muhu umoshi wabonga wajiya gugukuatesa hagutuala muthu mu mukhapho umoshi udi mu mukanda Qu’enseigne réellement la Bible ? Wajiya gutomba muhu gu mihu idi gu gisendeselo gia mikhapho. Gungima dia gutegelela mvutu ya muthu muene, mutangele verse imoshi yadivua nu muhu wa muhudi, enji muleze paragrafe imoshi idi nu matangi ene, muajiya guizuelela mu mbimbi jiazonda.
Loholo luko ludi, guleza muthu mbimbi jia mayiji a gisendeselo a mukanda hagumuhana nzala ya gujiya, hangima muleze fundo mukanda udi muhana mvutu ya Biblia. Wajiya nji guzuelela ndaga imoshi ya lamba ya zuelewa mu Radio nga mu Televizio, muwambele egi athu avula ana gukamba mvutu gu mihu idi ha diyiji 3. Wajiya gumuwambela egi udi mutala athu hagualeza ndaga jiabonga mbajibua masugu adi guza. Gungima, muleze foto jidi ha diyiji 4-5, muhule egi, “Laji ditshi mukatshi dia malaji awa watshigina egi ditagane thomo?” Luholo luko ludi, guwambela muthu egi umutala athu haguakuatesa ahete mvutu gu mihu yakoma ya lujingu. Hene, muleze mihu idi goshi’a diyiji 6, muhule muhu utshi wa musuanguluisa muavula.
Kadigila luholo luajiya gugukuatesa usendese ulongugi wa Biblia lusugu luathomo. Wajiya guzuela egi: “Tumuleza akuetu mukanda ou wa gulongugila Biblia. Waumonele gale ba? [Mu bembele tangua dia guhana mvutu.] Gila muthu muene udi nu tangua, wajiya gumuleza luholo lua guukalegela nu Biblia yaye.”

Milonga ya Gukalagala mu Mbeji Eyi:

Kalagalenu gilegezelo tangua dia gukombelela mu fami.
Mu mudimo wagulongesa mbimbi ya Nzambi, wambela alongeshi ako ndaga walondega haguzuela. (Ish. 27:17) Balumuna gilegezelo giaye gila giadivileko nu terituare yenu.