BIBLIOTEKE YA MU INTERNET

mwb16 Avril diyiji 3
Kolesa Akuenu nu Mbimbi jia Bonga

Lujingu nu Mudimo wa Uklisto—Mukanda wa Gukalegela mu Gudibungisa—2016

mwb16 Avril diyiji 3

UMONYI UDI MU MBIMBI YA NZAMBI | YOBO 16-20

Kolesa Akuenu nu Mbimbi jia Bonga

Mbimbi jia bonga jia muhanyi wa malongo jidi naye gukolesa athu ako

16:4, 5

Yobo wavile gikenene giavula, hakiene wakhalele naye gukolesewa gudi athu ako
Mafuta a Yobo mutatu amuwambelelego nga mbimbi imoshi yajiyile gumukolesa. Uvi, akhalele gumutshiongonona nu mbimbi jiabola, mbimbi jiawo jiahanele luko Yobo gikenene giavula

Mbimbi jiabola jia Biledada jiadidishile Yobo

19:2, 25

Yobo wadidile gudi Nzambi ha gula amukuatese—watogele egi amushiye nga gushiya
Yobo washile matangi enji mu gufuzumuga, wakolesele mu malamba nu gujinginyina guagasue

Elifaze umuta lumene nu Yobo, Biledada nu Sofale adi guatala

ANYAMIGISHI A YOBO

Elifaze:

Yajiya gukhala egi Elifaze wakhalele muenya dimbo dia Temane mu gifutshi gia Edome. mukanda wa Yelemiya 49:7 wamonesa egi dimbo dia Temane diakhalele dimbo dia enya ndunge
Yajiya gukhala egi Elifaze wakhalele mukulutu (mbuta) mukatshi dia mafuta a Yobo, wakhalele muthu wathomo ha guzuela. Wazuelele mahugo atatu, wazuelele muavula gubalega mafuta enji ako muyadi

Ndaga jia mambo:

Waseguluile gujinginyina gua Yobo enji wazuelele egi Nzambi anago gushila akombeledi enji mutshima (Yobo mukhapho 4 nu 5)
Watamegele Yobo egi muenya lulendo, muthu wabola, wazuelele luko egi Yobo ganago guvila Nzambi woma (Yobo mukhapho 15)
Wanyamigishile Yobo egi udi ngubu ya gudia, muthu wabola, wazuelele luko egi Yobo wakhalelego nu ndando gumeso a Nzambi (Yobo mukhapho 22)

Biledada:

Wakhalele mujigulu wa Shuha. Yajiya gukhala egi wajingile hehi nu Muta wa Efrate
Wakhalele muthu wa mbadi ha guzuela. Mukatshi diawo mutatu, muene wazuelelego muavula, uvi mbimbi jienji jiakhalele jiabola gubalega mbimbi jia Elifaza

Ndaga jia mambo:

Wazuelele egi ana a Yobo atshitshile masumu, hene amonele malamba, wazuelele luko egi Yobo gakhalelego nu Nzambi (Yobo mukhapho 8)
Wazuelele egi Yobo muenya ndaga jiabola (Yobo mukhapho 18)
Wazuelele egi gujinginyina gua muthu gushigo nu ndando (Yobo mukhapho 25)

Sofale:

Wakhadile muthu wa dimbo dia Naama, yajiya gukhala gu khanda ya nord-ouest ya gifutshi gia Arabi
Wakhalele muthu wa thathu ha guzuela, mbimbi jienji jiakhadile jiabola gubalega jia Elifaze nu Biledada. Wazuelele phamba iphungu mbadi

Ndaga jia mambo:

Wazuelele egi mbimbi jia Yobo jiakhadilego nu ndando, wawambelele Yobo egi abembe makalegelo abola (Yobo mukhapho 11)
Wazuelele egi Yobo muthu wabola, muenya masumu (Yobo mukhapho 20)