Yehowa Mbashigo Mutuna Muthu Udi nu Gikenene Giavula

Hatshitshile Davidi disumu diakoma nu Batesheba, Natana wayile gumuwambela ndaga yene, gungima dienji, Davidi wasonegele ndaga jidi mu mukanda wa Ngimbo 51. Mutshima wa Davidi wamusagesele muavula, hene alondoluele gubola guenji nu gudibulumuisa guagasue.​—2Sam 12:1-14.

Davidi watshitshile gubola, uvi guakhadile luko nu luholo luagubalumuna khadilo dienji

51:3, 4, 8-12, 17 (51:5, 6, 10-14, 19 MN)

• Hakhalele Davidi khenji abalumuna mutshima nu gulondolola gubola guenji, matangi enji akhalele gumusagesa

• Wamonele lamba diavula luholo ufuta wenji nu Nzambi wabolele, wakhadile gudivua gifua ifiya yenji yabudigile

• Wakhalele gudifelela egi Nzambi amutotesele gubolo guenji, ha gula ahete luko gubonga gua mu nyuma nu gusuanguluga

• Watogele nu gudibulumuisa guagasue egi Yehowa amukuatese ha gumutumagela

• Wakhadile gunengenena nu mutshima umoshi egi Yehowa amutotesele