Luholo lua Guhana Bakomantere Abonga

Bakomantere abonga ana gukolesa athu mu hungu. (Lomo 14:19) Bakomantere ene abonga ana kolesa luko athu ana guahana. (Ish 15:23, 28) Hene, tudi naye gukalagala ngolo haguhana nga komantere imoshi mu gudibungisa guagasue. Ndaga ya giamatshidia idi egi, mbatushigo mutombewa tangua diagasue tuatuphula koko. Hakiene, idi yabonga hagulondega bakomantere avula.

Komantere yabonga . . .

• yana khalago yadibinda, yakhala yaleba ha gutegelela nu hagukotelesa, enji yakhala yahihia. Matangua avula, yajiya guhanewa mu secondes 30 nga goshi

• yakhala yawaha diago gula wayihana mu mbimbi jiaye hakhaye

• yana togago egi uvutugile komantere yahanewa gale gua muthu muko

Gila watombewa muthu wathomo . . .

• hana thomo mvutu (kueteya) gu muhu, enji mvutu yene idi naye gukhala yaleba

Gila mvutu ya muhu yahanewa gale, udi naye . . .

• gumonesa luholo verse idi mu paragrafe idi gudivua nu ndaga mudi muzuelela

• gumonesa luholo lutshi ndaga mudi muzuelela idi mutalela lujingu luetu

• gukotelesa luholo lutshi tuajiya gukalegela ndaga yene

• guzuelela mu mbimbi jiazonda ndaga idi mumonesa matangi a ndando