Wajiya Gukolesa Muklisto Walebele Gale mu Nyuma

Mu lusugu lua mbadi 11 Avril, Aklisto avula alebele gale mu nyuma mbaaza mu gudibungisa gua gufua gua Yesu. Aklisto ene asendesele guzangula phushi mu njila ya monyo, uvi ndaga jiko jiaalebesele mu nyuma; tuajiya gumona ndaga jiene mu gamukanda Vutuga Gudi Yehowa (Reviens à Jéhovah). (Heb 12:1) Uvi tudi naye gujiya egi nu Aklisto aguleba mu nyuma ana khala nu ndando gu meso a Yehowa, handaga waasumbile nu mahatshi a mun’enji. (Makal 20:28; 1Phet 1:18, 19) Luholo lutshi tuajiya guaakuatesa ha guvutuga mu hungu?

Luholo mubambi wa imeme wana gukamba imeme gula yatota, akulu a mu hungu ana gukalagala ngolo ha gukamba Aklisto aguleba mu nyuma ha guaakuatesa. (Luka 15:4-7) Gukalagala luholo luene, guana gumonesa guzumba gua Yehowa. (Yel 23:3, 4) Ishigo phamba akulu, uvi muthu wagasue mukatshi dietu wajiya gukolesa Aklisto alebele gale mu nyuma. Luholo tuana gukalagala ngolo ha gumonesa Aklisto ene gisemo nu guzumba, luana gusuanguluisa Yehowa; khadilo diene diajiya gutubatela gishimbigo. (Ish 19:17; Makal 20:35) Hakiene, dihule egi nanyi ngajiya gukuatesa? Gungima, mukuatese mu phushi!

TALESA VIDEO ENCOURAGER LES INACTIFS, GUNGIMA HULA MIHU EYI:

• Tangua phangi Aby wataganele nu Temue mumoshi gakhalelego mujiya, itshi akalegele?

• Gula tudi mutshigina gukuatesa Muklisto mumoshi waguleba mu nyuma, mukunda natshi tudi naye guwambela akulu?

• Luholo lutshi phangi Aby wadilondele ha guya gutala Laura giphungu gia mbadi?

• Tangua phangi Aby wakhalele mukuatesa Laura, luholo lutshi amonesele guzumba, gufubidila nu guhuiminyina?

• Longo ditshi tuajiya guzula mu gifezegeselo gia Yesu gidi mu mukanda wa Luka 15:8-10?

• Ishimbigo itshi yahetele aphangi luholo akalegele ngolo ha gukuatesa Laura?