Guzumba gua Giamatshidia Gudi Itshi?

Yehowa wabungishile yala nu mukhetu mu ulo hagula akhale mayilago. (Gis 2:22-24) Yala nu mukhetu ajiya gushiya ulo phamba gula mumoshi mukatshi diawo wakalagala uthambi. (Mal 2:16; Mat 19:9) Yehowa wana gutshigina egi yala nu mukhetu akhale nu gusuanguluga mu ulo wawo. Hene, watuhanele gale mikhuala yajiya gukuatesa Aklisto ha gutomba nu ndunge jiagasue yala nga mukhetu wa guzula mu ulo, nu ha gulandula gujinga mu gusuanguluga mu ulo wawo.​—Mulo 5:4-6.

TALENU VIDEO QU’EST-CE QUE LE VRAI AMOUR?, GUNGIMA HANENU MVUTU GU MIHU EYI:

• 

  Mukunda natshi ukuateshi wa Frank nu Bonnie ahanele mun’awo Lise, wakhalele wabonga nu wa guzumba?

• Mukunda natshi ishigo ndaga ya tema ha gutangiza egi, wajiya gubalumuna khadilo dia muthu udi mutshigina guzula mu ulo?

• Malongo atshi a ndando Paul nu Priscilla ahanele Lise?

• 

  Mukunda natshi ulo wa Zack nu Megane wakhalele nu milonga yavula?

• 

  Mafelela atshi a mu nyuma John nu Lise akhalele nawo?

• Mukunda natshi udi naye gujiya muabonga diago ‘khadilo dia muthu’ udi mutshigina guwata gutuama egi udizule nenji mu ulo? (1Phet 3:4)

• Guzumba gua giamatshidia gudi itshi? (1Kol 13:4-8)