MAKALEGELO A UKLISTO

Kalegela Muabonga Mikanda nu Video Tuana Gukalegela Muavula mu Mudimo wa Gulongesa

Mulongeshi mumoshi udi mukalegela Biblia nu gamukanda ha gulongesa yala mumoshi

Gubuisa athu alandudi gudi gifua gutunga inzo. Ha guyitunga muabonga, tudi naye gulonguga gukalegela itshitshilo yetu muabonga. Esue nji tudi naye gukudisa luholo luetu lua gulongesa, gukalegela Biblia, gitshitshilo gietu gia thomo. (2Tim 2:15) Luko, tudi naye gukalegela muabonga mikanda iko nu video jidi mukatshi dia itshitshilo yetu tuana gukalegela mu mudimo wa gulongesa. Felela dietu didi naye gukhala dia gubuisa athu alandudi.a

Luholo lutshi wajiya gukudisa luholo luaye lua gukalegela mikanda nu video tuana gutshitshila muavula mu mudimo wa gulongesa? (1) Toga ukuateshi gudi mutadi wa hunji dienu dia alongeshi (surveillant de groupe de prédication), (2) longesa hamoshi nu muvundji wa njila nga nu mulongeshi mumoshi udi nu eksperianse, luko (3) landula guyikalagala. Gula wakudisa luholo luaye lua gukalegela mikanda nu video mu mudimo wa gulongesa, mbawusuanguluga diago nu mudimo owu wa gutunga mu nyuma.

MAZULUNALU

TUMIKANDA

Tegelela Nzambi nunji Jinga Ivuo nu Ivuo

Akuatshi Ana Gukalagala Gutshigina gua Yehowa Mangino?

MIKANDA

TRAKTE

Luholo lutshi udi mumona masugu adi muza gutuama?

Gima gitshi giajiya guhana kusuanguluga mu fami?

Athu agufua ajiya diago gujinga luko ba?

Fundo ditshi tuajiya guzula jimvutu gu mihu ya koma yatalela lujingu?

VIDEO

Gikuma Kitshi Tudi Naye Gulonguga Biblia?

Gulonguga gua Biblia Guana gukalegewa Luholo Lutshi?

Ndaga Jitshi Jiana Gukalegewa mu Inzo ya Ufumu?

EMVITASIO

KARTE DIA GUHANA ATHU

a Mikanda yetu yazonda yinyi yana khalago mukatshi dia mikanda nu video tuana gukalegela muavula mu mudimo wa gulongesa, yasonegewe mukunda nu athu angoshi ngenyi. Uvi, tuajiya guyikalegela gula tuaheta okazio.