Gukhala Mulandudi wa Yesu Guana Gutoga Itshi?

9:62

Ha gumba mihanga ya magana, mudimi wa ilanga gashigo naye gubemba egi ima idi gungima iwunganese matangi enji. Luholo lumoshi nji, Muklisto gajiyilego gubemba egi ndaga jia ha mavu awa, jiabembele muene gungima jiwunganese matangi enji.​—Fili 3:13.

Tangua tuana gutagana nu malamba, tuana gutangiza ‘ima yabonga tuakhalele nayo mu masugu abalega,’ yajiya gukhala lujingu luabonga tuakhalele nalo gutuama egi tujiye Yehowa. Gula tuatshita ngenyi, tuajiya gusendesa guzuelela phamba gusuanguluga tuakhalele nago, uvi tujimbila malamba tuakhalele nayo mu masugu ene. Enya Isalele nji amonesele khadilo dia luholo elu tangua azogele mu Egypte. (Lutang 11:5, 6) Gula tudi muhaga matangi etu mu ima tuakhalele nayo thomo, yajiya gututuma ha guvutugila luko lujingu luetu tuabembele. Idi ndaga yabonga egi tutangize gubonga tudi nago mangino, nu guhaga meso mu ndaga jiabonga mbatuheta mu Ufumu wa Nzambi!​—2Kol 4:16-18.