Wungulugenu Mukaji’a Lota

Mukunda natshi mukaji’a Lota watalele gungima tangua wakhalele muzoga mu dimbo dia Sodoma? Biblia ishigo mumonesa gishina gatelele gungima. (Gis 19:17, 26) Ndaga jiazuelele Yesu gutuama nu gungima dia Luka 17:31, 32 ha gututemesa jidi mumonesa egi, yajiya gukhala watalele ima gabembele muene gungima. (Luka 17:31, 32) Itshi tuajiya gutshita hagula Nzambi gatutunyigo gifua muakalegele mukaji’a Lota? Tushigo naye gubemba egi umonyi nga ima yetu ya gujingila izule fundo dia thomo. (Mat 6:33) Yesu walongesele egi, ‘Tuajiyilego gukhala muhiga wa Nzambi nu wa umonyi.’ (Mat 6:24) Uvi, itshi tudi naye gukalagala gula tuamona egi umonyi nga ima yetu iko yasendesa guzula fundo dia ndaga jietu jia mu nyuma? Tuajiya gutoga Yehowa ha gutuhana ndunge jia gujiya ndaga tudi naye gusombegesa, nu gutuhana ngolo jia gujitshita.

TANGIZENU ITSHINYI THATHU YA VIDEO WUNGULUGENU MUKAJI’A LOTA, GUNGIMA HANENU KUETEYA GU MIHU EYI:

• 

  Luholo lutshi nzala ya gukhala nu falanga jiavula yabolesele matangi, nu mbimbi nu makalegelo a Gloria?

• Luholo lutshi lumene lua mukaji’a Lota ludi gututemesa mangino?

• Luholo lutshi gukalegela mikhuala ya Biblia guakuatesele Joël nu fami yenji?

• Luholo lutshi athu akhalele mutshita mudimo nu Anna amubolesele mu nyuma?

• Mukunda natshi tudi naye gumonesa gikhesa tangua athu adi gutushinjiga ha guhaga falanga ha fundo dia thomo mu lujingu luetu?

• Luholo lutshi Brian nu Gloria ahagele luko ndaga jia mu nyuma ha fundo dia thomo?

• Mikhuala itshi ya Biblia wamonyi adi muzuelela mu video eyi?