Tukudise Luholo Luetu lua Gulongesa Mbimbi ya Nzambi​—Gukalegela Site JW.ORG

MUKUNDA NATSHI IDI NU NDANDO: Mikanda yetu yagasue tuana gukalegela ha gulongesa mbimbi ya Nzambi yana gututuma ha gungina mu jw.org. Hene, karte dia gunginyina mu jw.org nu trakte Fundo ditshi tuajiya guzula jimvutu gu mihu ya koma yatalela lujingu? yasonegewe ha gukuatesa athu ha gungina mu site internet yetu. Wajiya gungina mu jw.org ha gutumina muthu mukanda tuana gukalegela ha gulongesa Biblia, nga ndo ha gumuleza fundo gajiya gumona ndaga jiko jiajiya gumukuatesa gula muene wana guzuela zuelelo diko. Luko, athu ajiya gutuhula mihu uvi mvutu jia mihu yene jidi phamba mu mikanda idi mu jw.org. Gula tudi mungina mu site Internet yetu, tuajiya gumona ndaga jiavula jiajiya gutukuatesa ha gulongesa muabonga mbimbi ya Nzambi.

LUHOLO LUA GUYIKAGALA:

• 

  Kalegela Ndaga Jidi ha Fundo Diasonegewa egi “LA BIBLE ET VOUS.” Tangiza egi udi mulongesa mvuaji mumoshi udi nu funu ya gujiya ndaga jiavula jiatadila gusansa ana. Ha gujiya ndaga jia gumuwambela, ngina ha fundo diasonegewa egi LA BIBLE ET VOUS > COUPLES & FAMILLES.

• Kalegela Ndaga Jidi ha Fundo Diasonegewa egi “MIKANDA.” Tangiza egi udi mulongesa mafuta aye a mu khalasa mbimbi ya Nzambi, enji watshigina guawambela ndaga jidi mu gamukanda Mvutu jia Mihu 10 Mavuala Ana Gudihula. Ha guyikalagala, ngina ha fundo diasonegewa egi MIKANDA > MIKANDA & TUMIKANDA.

• Kalegela Ndaga Jidi ha Fundo Diasonegewa egi “QUI SOMMES-NOUS?” Tangiza egi udi mulongesa muthu mumoshi muana gukalagala nenji mudimo, muene watshigina gutanga ndaga jia gikombelelo gietu. Ha gumukuatesa, ngina ha fundo diasonegewa egi QUI SOMMES-NOUS? > QUESTIONS FRÉQUENTES.

TALENU VIDEO IDI NU MUTO WA LUMENE EGI GUKALEGELA SITE JW.ORG, GUNGIMA TALENU FUNDO MUAJIYA GUHETA UKUATESHI MU SITE YETU GU NDAGA YATADILA:

• muthu ganago gutshigina egi Nzambi wakhala guene (athée)

• muthu udi mukata misongo yakola

• phangi wa yala nga wa mukhetu yonu ganago gulongesa luko mbimbi ya Nzambi

• muthu tualongesele Biblia, uvi udi gudihula gula gui guana gukatuga falanga tuana kalegela mudimo wetu

• muthu wakatuga mu dimbo diko uvi watshigina guya mu gudibungisa gua mu hungu mu dimbo diawo