Nyuma Yabonga Yajile Holu dia Hungu dia Uklisto

2:1-8, 14, 37, 38, 41-47

Enya Yuda avula akhalele gu Yelusalema mu sungi ya Wano wa Pantekote ya givo 33 gia tangua dietu, akatugile mu ifutshi yavula. (Makal 2:9-11) Ngatshima akhalele munemesa mukhuala wa Moise, uvi akhalele mujinga mu ifutshi iko lujingu luawo luagasue. (Yel 44:1) Yajiya gukhala egi ako mukatshi diawo akhalelego mumonega gifua adi enya Yuda, handaga luholo luawo lua guzuela nu ndaga jiawo jiko jiakhalele gifua jia athu a membo akhalele ene mujinga. Tangua athu 3 000 a ifutshi yavula ya gudibungisa abatijiwe, hungu dia Uklisto diabuile nu athu a maluholo agasue. Ngatshima akhalele nu ndaga jiavula jiagudisha, “mu lusugu nu lusugu ene akhalele muya hamoshi mu tempelo.”​—Makal 2:46.

Luholo lutshi wajiya gumonesa gisemo gudi . . .

• athu a mu ifutshi iko adi mu terituare yaye?

• aphangi a mala nu a akhetu a mu ifutshi iko adi mu hungu diaye?