Wana Gumona Makalegelo a Nzambi mu Ima Gafugile Ba?

Tangua wana gutala yaji idi nu mikubu yavula, nu dilu diazala pha nu jithemua, nu chute ya muta, wana gutangiza muthu wafugile ima yene ba? Ima yafugiwe yana gumonesa diago makalegelo a Yehowa anyi tuanago gumona. (Lomo 1:20) Gula tuazula tangua dia gutangigiza ima tudi mumona, mbatumona ngolo jia Nzambi, nu guzumba guenji, nu ndunge, nu nduedi nu khadilo dienji dia guhana.​—Ngi 104:24.

Ima itshi yafugile Yehowa wana gumona lusugu nu lusugu? Wana gumona mitshi nu tunjila tua gosa ba? Gutala muavula ima yafugile Yehowa guajiya gutukuatesa hagula tudisagesago muavula, nu ha guhaga matangi etu mu ndaga jia ndando, nu ha gukudisa gutshigina guetu mu ngolo jidi najio Yehowa jia gutukuatesa mayilago. (Mat 6:25-32) Gula udi nu ana, akuatese nji ha gumona makalegelo a Yehowa mu ima gafugile. Gula tualandula gusuanguluga nu ima yafugile Yehowa, mbatusuena hehi nu muene.​—Ngi 8:3, 4.

TALENU VIDEO, IMA YAFUGILE NZAMBI YANA GUMONESA LUTUMBU LUENJI​—MUANYA NU MUKUBU, GUNGIMA HANENU KUETEYA GU MIHU EYI:

• Mukunda natshi tuana gumona mikubu? Itshi yana gutukuatesa ha gumona mikubu?

• Mukunda natshi mikubu iko yana gusombegesa gula tudi guyitadila gu khanda iko?

• Mukunda natshi tuana gumona dilu nu mikubu ya gudisha?

• Mikubu itshi yabonga idi mu ima yafugile Yehowa wana gumona mu dimbo dienu?

• Mukunda natshi tudi naye guzula tangua dia gutala muavula ima yafugile Yehowa?