Landula Malongo Ana Gutuhana Yehowa

IDI NU NDANDO ITSHI: Yehowa, Mulongeshi wetu Wakoma, wana gutuhana malongo abalega gubonga. Wana gutulongesa luholo lua gulondega ndaga jietu mangino, ha gudilondega mukunda nu masugu awaha adi muza. Malongo enji adi a ofele, ganago gututoga falanga. (Yesh 11:6-9; 30:20, 21; Yat 22:17) Malongo a Yehowa ana gutuhana formasio ha gulongesa athu ako lukuma luabonga ludi muhana monyo.​—2Kol 3:5.

LUHOLO LUA GUYIKAGALA:

• Kudisa khadilo dia gudibulumuisa.​Ngi 25:8, 9

• Tshigina formasio yana gutuhana Yehowa mangino, gifua gukhala mona khalasa dia gudibungisa gua lujingu nu mudimo wa uklisto

• Tangiza ndaga wajiya gukalagala ha gudihana muavula mu mudimo wa Yehowa.​—Fili 3:13

• Kalagala nji ndaga jiko hagula uhete formasio yavula.​—Fili 3:8

TALENU VIDEO IDI MUZUELA EGI MALONGO A YEHOWA ATUBUISHILE AMONYI MU NYUMA. GUNGIMA, HANENU MVUTU GU MIHU EYI:

• Malamba atshi aphangi abingile ha gungina mu Khalasa dia Alongeshi a Ufumu?

• Formasio itshi Khalasa dia Alongeshi a Ufumu diana guhana?

• Luholo lutshi aphangi a mu mahungu akuatesele ana a khalasa mu mafundo ahe-ahe atumiwe?

• Ndaga jitshi Muklisto adi naye gukalagala ha gungina mu Khalasa dia Alongeshi a Ufumu? (kr-F diyiji 189)

• Formasio iko itshi wajiya gulandula mu ulondegi wa Yehowa?