Khala Wagujinginyi Gudi Yehowa Handaga Gisugishilo Giasuena Hehi

MUKUNDA NATSHI IDI NU NDANDO: Gualeha ndo, mbatutagana nu malamba avula mbaalola khadilo dietu dia gikhesa nu dia gusha mutshima gudi Yehowa. Lamba diakoma mbadisendesa tangua ikombelelo yagasue ya mambo mbayishiyiwa. (Mat 24:21; Yat 17:16, 17) Idi mumonega egi mu tangua diene, mbatulongesa lukuma lua usopheshi wakola. (Yat 16:21) Luko, Goga wa gu Magoga mbawutuluisa. (Ezek 38:10-12, 14-16) Ha guhuluisa akombeledi enji, Yehowa mbawubungisa mbalagaji jienji mukunda nu “ita yakoma ya Nzambi wa Ngolo Jiagasue.” (Yat 16:14, 16) Hene, ha gukhala nu gikhesa mu ndaga eji jiagasue, tudi naye gukhala yagujinginyina gula gutshigina guetu gualolewa mangino.

LUHOLO LUA GUYIKAGALA:

• Khala mutumagela mikhuala ya Yehowa.—Yesh 5:20

• Khala muya mu gudibungisa gua mu hungu.—Heb 10:24, 25

• Khala hehi ha gutumagela aphangi ana gututuameza.—Heb 13:17

• Tangigiza luholo Yehowa gahuluishile akombeledi enji a mu tangua dikulu.—2 Phet 2:9

• Kombelela Yehowa, khala gumushila mutshima.—Ngi 112:7, 8

TALENU VIDEO NDAGA MBAJITOGA GIKHESA MU MASUGU ADI MUZA —GITSHINYI. GUNGIMA, HANENU MVUTU GU MIHU EYI:

• 

  Luholo lutshi gutshigina gua alongeshi gualolewe tangua akhaphumuine hungu diawo?

• 

  Gudivua gutshi gudi mukatshi dia gutumaga nu gumonesa gikhesa?

• 

  Mukunda natshi mbatukhala nu funu ya gikhesa mu tangua dia Armagédon?

• 

  Lumene lutshi lua Biblia luajiya gutukuatesa ha gukolesa gutshigina guetu egi Yehowa wajiya gutuhuluisa?—2 Gudi 20:1-24