Tumbuisa Yehowa mu Mudimo wa Muvundji wa Njila

Enya Isalele akhalele nu ishina yabonga yakhalele guatuma ha gutumbuisa Yehowa. Waazolele mu Ejipitu nu waahuluishile ha mago a Farao nu masuta enji! (Guz 15:1, 2) Yehowa wana landula gukalegela akombeledi enji ndaga jiabonga. Luholo lutshi tuajiya gumuhana mersi?—Ngi 116:12.

Tuajiya gumuhana mersi gula tudi mutshita mudimo wa muvundji wa njila wa tangua diazonda nga wa tangua diagasue. Wajiya gutoga Yehowa hagula aguhane nzala nu ngolo jia gutshita mudimo wene. (Fili 2:13) Aphangi avula ana sendesa thomo nu mudimo wa muvundji wa njila wa tangua diazonda. Wajiya gutomba guhana matangua 30 nga 50 ana togewa mu mbeji ya Mars nu Avril, nga mu mbeji mutadi muwendji mbawuza mutala hungu dienu. Gungima dia guheta gusuanguluga mu mudimo wa muvundji wa njila wa tangua diazonda, wajiya gutshita ngolo ha gubua muvundji wa njila wa tangua diagasue. Aphangi anyi ana tshita midimo masugu agasue, nu anyi adi nu ukhashi nga anyi ashigo nu ngolo jiavula, ana gubua nji avundji a njila a tangua diagasue. (mwb16.07 diyiji 8) Ndaga ya ndando idi egi, Yehowa wana suanguluga nu ngolo tuana tshita ha gumutumbuisa!—1 Gudi 16:25.

TALENU VIDEO APHANGI’A AKHETU THATHU GU MONGOLIE. GUNGIMA, HANENU MVUTU GU MIHU EYI:

• 

  Malamba atshi aphangi’a akhetu thathu abingile ha gubua avundji a njila?

• 

  Gubonga gutshi ahetele mu mudimo wene?

• 

  Mudimo wa muvundji wa njila wa tangua diagasue waahanele luko luendu lutshi?

• 

  Luholo lutshi gifezegeselo giawo giakuatesele nji athu ako?