Wajiya Guhana Tangua Nu Ngolo Jiaye Ba?

Gifua luholo profete Yeshaya wazuelele, gitshinyi gia organizasio wa Yehowa gia ha mavu gidi mulandula guya gutuama. (Yesh 54:2) Ngenyi, idi mutoga gutunga Jinzo jia Ufumu jihe-jihe, Mafundo a gukalegela Asamble nu jinzo jia betele. Gungima dia gutunga jinzo jiene, tudi naye gujibamba muabonga nu gujilondega. Luholo lutshi tuajiya guhana tangua nu ngolo jietu gudi Yehowa?

• Tangua tudi munemesa programe ya guwevua Inzo ya Ufumu

• Tuajiya guzula formasio yatadila luholo lua gubamba Inzo yetu ya Ufumu

• Wajiya guzalesa formilere Demande D’admission comme Volontaire Local Développement/Construction (DC-50) ha gutshita matangua azonda hamoshi nu aphangi ana tshita mudimo wa gutunga, nga gutshita nu aphangi a maintenence adi hehi nu fundo wana khala

• Wajiya guzalesa formilere (A-19) ha gutshita gifua volontere phoso imoshi nga jiavula gu Betele nga gu antenne de traduction

TALENU VIDEO JINZO JIHE-JIHE JIDI NAYE GUTUNGIWA—GITSHINYI. GUNGIMA, HANENU MVUTU GU MIHU EYI:

• Mukunda natshi tuana kalegela video jiavula sendese mu givo 2014?

• Luholo tudi nu funu ya video jiavula mu gikombelelo gietu, mudimo utshi udi naye gukalegewa nu udi naye guzula matangua guvula gutshi?

• Luholo lutshi ba volontere ajiya gukuatesa mudimo wene?

• Gula watshigina gukuatesa mudimo wa gutunga mbawukalegewa gu Ramapo, mukunda natshi udi naye guzalesa formilere Demande D’admission comme Volontaire Local Développement/Construction (DC-50)?

• Itshi idi mumonesa egi Yehowa mbawutuameza diago mudimo wene?

• Luholo lutshi tuajiya guhana mago mu mudimo owu wa gutunga?