YIKADIKILE MU MUDIMO WA GULONGESA | Heta Gusuanguluga Guavula Mu Mudimo Wa Gulongesa
Gukalegela Ifezegeselo ha Gulongesa Matangi’a Ndando
Tangua tudi muvutugila muthu nga tangua tudi gumulongesa Biblia, tudi naye gutshita yagasue ha gumukuatesa ha gukotelesa matangi a ndando. Gukalagala ngenyi mbagutukuatesa ha gukuata mutshima wenji nu mbayimukuatesa nji ha guwunguluga (guyabuluga) matangi a ndando.
Tangua udi gudilondega ha guvutugila muthu nga tangua udi mulondega ulongogi wa Biblia, tshita yagasue ha guzola phamba matangi a ndando udi mutshigina gumulongesa. Kalegela nji ifezegeselo yaleba inyi muthu ajiya gukotelesa muabonga. (Mat 5:14-16; Mako 2:21; Luka 14:7-11) Tshita yagasue ha gujiya ndaga jiatadila muthu muene. (Luka 5:2-11; Yone 4:7-15) Tangua mbawumona gusuanguluga muthu muene mbaakhala nago handaga wakotelesa kiawaha matangi a ndando wamulongesa, mbawukhala nji nu gusuanguluga guavula.
TALENU VIDEO IDI MUZUELA EGI HETA GUSUANGULUGA MU MUDIMO WA GUBUISA ATHU ALANDUDI—KUDISA LUHOLO LUAYE LUA GULONGESA—GUKALEGELA IFEZEGESELO HA GULONGESA MATANGI’A NDANDO. GUNGIMA, HANENU MVUTU GU MIHU EYI:
Mukunda natshi athu tuana longesa Biblia ana khala nu funu ya ukuateshi ha gukotelesa verse jia Biblia?
Gifezegeselo gitshi Phangi Neeta wakalegela ha gumonesa giamatshidia gidi mu Lomo 5:12?
Gukalegela ifezegeselo yawaha guana kuata mutshima wa muthu
Luholo lutshi gukalegela ifezegeselo yawaha guajiya gukuatesa athu adi gututegelela?
Mukunda natshi tudi naye gukalegela video nu ikadigilo iko ya gulongesela Biblia yana gutuhana organizasio wa Yehowa mu mudimo wa gulongesa?