Disipline—Diana Monesa Guzumba gua Yehowa

Matangua avula, disipline diana kotelesa gulongesa nga guhana malongo, uvi diajiya nji gukotelesa gubela nga guhana ndola. Yehowa wana gutuhana disipline hagula tuajiya gumukombelela mu luholo luatagana. (Lomo 12:1; Heb 12:10, 11) Disipline diana gubata gubonga nu gusuanguluga ikhale matangua ako yajiya gukhala lamba ha guditshigina. (Ish 10:7) Ndaga itshi athu ana hana disipline nu anyi adi gudiheta ashigo naye gujimbila?

Athu ana guhana disipline. Akulu, mvuaji nu athu ako adi naye gulandula gifezegeselo gia Yehowa ha guhana disipline nu gisemo nu guzumba guagasue. (Yel 46:28) Ikhale adi muhana disipline diakola, adi naye gutshita yagasue ha gudihana mu luholo luatagana nu guzumba.—Tito 1:13.

Athu adi muheta disipline. Ikhale tudi muheta disipline dia luholo lutshi, tushigo naye gudisegulula, uvi tudi naye guditshigina nu gudikalegela. (Ish 3:11, 12) Luholo tushigo athu atagana, tuana khala nu funu ya disipline dia maluholo agasue. Tuajiya guheta disipline mu ndaga tudi mutanga mu Biblia nga jinyi tudi mutegelela mu gudibungisa gua mu hungu. Matangua ako, athu ako ajiya gukhala nu funu ya gusophesewa gudi komite ya gusophesa. Gula tuatshigina disipline nu tuadikalegela, mbatukhala diago nu gusuanguluga nu mbatujinga nji mayilago.—Ish 10:17.

TALENU VIDEO IDI MUZUELA EGI ‘YEHOWA WANA GUHANA NDOLA GUDI MUTHU ANA GUZUMBA MUENE,’ GUNGIMA, HANENU MVUTU GU MIHU EYI:

• 

  Luholo lutshi Canon wasendesele lujingu luenji? Gungima luholo lutshi lujingu luenji luasombegesele?

• 

  Disipline ditshi dia guzumba ahetele gudi Yehowa?

• 

  Malongo atshi tuajiya guzula mu eksperianse yenji?