Longesa nu Gikhesa Giagasue

Gikhesa giakhala nu ndando yavula. Gikhesa giaye jiajiya gutuma athu ha gugutegelela muabonga. Giana monesa nji ndando ya lukuma luabonga. Tuajiya gukudisa gikhesa ikhale tudi mujinga mu fundo ditshi nga tudi nu makalegelo atshi. (Lomo 12:11) Luholo lusthi?

Thomo, tangiza ndando ya lukuma luabonga udi mulongesa. Tudi diago nu luendu lua “gulongesa lukuma luabonga.” (Lomo 10:15) Ya mbadi, udi naye gutangigiza luholo lukuma luabonga luajiya gubatela athu adi gugutegelela gubonga. Adi diago nu funu ya gutegelela ndaga tudi gualongesa. (Lomo 10:13, 14) Ya thathu, zuela nu gikhesa giagasue. Kalegela mago nu phala muabonga ha gumonesa luholo udi gudivua mukunda nu ndaga udi muzuela.

TALENU VIDEO IDI MUZUELA EGI HETA GUSUANGULUGA MU MUDIMO WA GUBUISA ATHU ALANDUDI—KUDISA LUHOLO LUAYE LUA GULONGESA—GULONGESA NU GIKHESA GIAGASUE, GUNGIMA, HANENU MVUTU GU MIHU EYI:

• 

  Ndaga itshi yalebesele phangi Neeta muila ha gulongesa Jade Biblia?

• 

  Itshi yakuatesele phangi Neeta ha guheta luko gikhesa gienji?

• 

  Mukunda natshi tudi naye gutadila makalegelo awaha a athu tuana longesa Biblia?

• Luholo lutshi gikhesa gietu giajiya gukuatesa athu tuana longesa Biblia nu athu ako?