Kalegela Makota a Akhetu Ndaga Gifua Amama, Mavuala a Akhetu Gifua Aphangi’aye a Akhetu

Biblia idi gutuwambela ha gukalegela Aklisto a gukola ndaga gifua atata nu amama nu ha gukalegela mavuala ndaga gifua aphangi’etu. (Tanga 1 Timote 5:1, 2.) Aphangi a mala adi naye gunemesa aphangi a akhetu nu guakalegela ndaga nu ginemua.

Phangi wa yala gashigo naye gukalagala ndaga jiajiya gutshita egi phangi wa mukhetu avue sonyi. (Yobo 31:1) Phangi wa yala udi ndumbu ashigo naye gukalagala ndaga jiajiya gutuma phangi wa mukhetu udi nji ndumbu ha gutangiza egi udi mutshigina gudizula nenji mu ulo hoho phangi muene wa yala ashigo nu matangi ene. Gashigo naye guhana phangi wa mukhetu mafelela a mambo.

Akulu adi naye gutegelela muabonga gula phangi wa mukhetu wahula muhu nga ndo wazuela ndaga idi mutoga egi akulu ayitadile kiawaha. Akulu adi naye gudisagesa mukunda nu aphangi a akhetu anyi afuishile gale alumi’awo nu adi naye guakuatesa.—Luta 2:8, 9.

TALENU VIDEO IDI MUZUELA EGI: LANDULA GUMONESA GUZUMBA GUA GIAMATSHIDIA MU HUNGU—GUDI AKHETU A GAFUNDA NU ANA A SHIYE. GUNGIMA HANENU MVUTU GU MIHU EYI:

• 

  Luholo lutshi aphangi a mu hungu amonesele guzumba gua giamatshidia gudi phangi Myint?

• 

  Guzumba guamonesele aphangi a mu hungu guatumine enya mu dimbo dia phangi Myint ha gutshita itshi?

• 

  Luholo lutshi guzumba gua aphangi a mu hungu guakuatesele an’a phangi Myint?

Mu maluholo atshi wajiya gumonesa guzumba gudi aphangi a akhetu a mu hungu dienu?