UMONYI UDI MU MBIMBI YA NZAMBI

Landula Gutumagela Yehowa nu Mutshima Umoshi

Sendese ulenge wenji, Kaleba wakhalele mutumagela Yehowa nu mutshima umoshi (Yosh 14:7, 8)

Kaleba walanduile gusha mutshima gudi Yehowa ha gumukuatesa ha gutaganesa ginemo gimoshi giakola (Yosh 14:10-12; w04-F 1/12 diyiji 12 par. 2)

Yehowa washimbigile Kaleba mukunda nu mudimo wakalegele muene nu mutshima umoshi (Yosh 14:13, 14; w06-F 1/10 diyiji 18 par. 11)

Foto: Phangi wa mukhetu nu udi gutshigina guakola ikhale udi mutagana nu malamba handaga udi wa gukola. 1. Udi wa gukhala hashi nu wakuata muhango wenji tangua adi mukalagala gisambu. 2. Udi mulongesa gu présentoir mobile nu phangi muko wa mukhetu. 3. Udi mutalesa ana azonda a muhungu diawo foto. 4. Udi mumuemueta handaga udi musha mutshima wenji wagasue gudi Yehowa.

Tangua Kaleba wakhalele mulandula utuameji wa Yehowa nu wakhalele mumona luholo wakhalele guashimbiga yakhalele mukolesa gutshigina guenji. Esue nji tuana landula gukalegela Yehowa mudimo nu mutshima umoshi, tangua tuana heta mvutu gu isambu yetu nu tangua tuana mona ukuateshi wenji mu ndaga jiko.—1Yn 5:14, 15.