MAKALEGELO A UKLISTO
Dilondege Mukunda nu Misongo Yajiya Gugubuila mu Gisagumuisa
Mukunda natshi udi naye gudilondega? Misongo yana laya ndo. Tuajiya gukata mu gisagumuisa, itogi egi tuye muphushi gu hôpital. Hene, tudi naye gudilondega gutuama, hagula tuajiya gusagewa mu luholo luabonga gula tuakata. Gula watshita ngenyi, mbawumonesa egi wana zula monyo nu ndando nu wana nemesa mukhuala wa Yehowa watadila mahatshi.—Makal 15:28, 29.
Luholo lutshi tuajiya gudilondega?
Udi naye gutshita gisambu, gungima uzalesa muabonga karte DPA.a Athu anyi abatijiwe gale ajiya gutoga karte DPA nu Attestation individuelle (carte ic) mukunda nu an’awo azonda gudi phangi wana tala ndaga ya mikanda
Gula udi gu vumo, toga akulu aguhane mukanda Informations pour les femmes enceintes (S-401). Mukanda wene mbawugukuatesa ha guzula ba desizio abonga atadila luholo wajiya gusagewa tangua udi gu vumo nu mu tangua dia guvuala
Gula udi naye guphandewa nga guya mukhala masugu avula gu hôpital ha gula agusage. Wambela akulu gutuama, wambela nji minganga egi, mumoneshi mumoshi wa Matemue a Yehowa mbawuza gungutala
Luholo lutshi akulu ajiya gugukuatesa? Ajiya gugukuatesa ha guzalesa karte DPA. Uvi akulu mbaashigo guguzudila desizio mu luholo udi naye gusagewa nga guguwambela matangi’awo mu ndaga inyi muthu udi naye guzula desizio muene hakhenji. (Rm 14:12; Gal 6:5) Gula wawambela akulu egi, misongo udi mukata yajiya gutoga egi aguvutule mahatshi, ene mbaatamega aphangi a gu comité de liaison hospitalier (CLH).
Luholo lutshi aphangi a gu comité de liaison hospitalier ajiya gugukuatesa? Aphangi awa azudile formasio ha gujiya luholo lua gukotelesela minganga nu mafumu a leta, desizio dia gikombelelo gietu mu ndaga yatadila mahatshi. Ajiya guwambela minganga ba metode ako abonga ajiya guakuatesa ha gutuna gukalegela mahatshi tangua adi gugusaga. Gula luholo ludi guene, ajiya gugukuatesa ha guheta munganga wajiya gutshigina gugusaga gukalegela ndo mahatshi.
TALENU VIDEO COMMENT FAIRE DES CHOIX MÉDICAUX CONCERNANT LE SANG?, GUNGIMA HANENU MVUTU GU MUHU OWU:
Ndaga jitshi wamona mu video eyi jiajiya gugukuatesa ha gudilondega gutuama gula wakata misongo idi mutoga egi aguvutule mahatshi?
a Longo 39 dia mukanda Heta Monyo wa Ivo nu Ivo! diajiya gugukuatesa ha guzula ba desizio abonga mu ndaga yatadila mahatshi.