Mbimbi goshi'a diyiji

b UKOTELESHI WA GIFUANESA: Yehowa wafugile athu mu gifuanesa gienji nu waahanele luendu lua gulandula makalegelo enji. Phangi mumoshi wa yala nu mukaji’enji adi mulandula makalegelo a Yehowa tangua adi gudimonesela khadilo dia guzumba nu khenda. Adi mumonesa nji makalegelo ene gudi an’awo. Phangi muene nu mukaji’enji ana guzumba Yehowa. Adi mumonesa egi ana zula luendu lua guvuala ana nu ndando, tangua adi mulongesa an’awo ha guzumba Yehowa nu gumukagela. Mvuaji jidi mukalegela video ha gukotelesela an’awo mukunda natshi Yehowa wahanele Yesu gifua mulambu. Adi gualongesa nji egi mu phaladiso mbatubamba mavu nu shitu mayilago.