Mbimbi goshi'a diyiji

a Mu lusugu lua mbadi 4 Avril 2023, athu avula a ha mavu a mudidi mbaadibungisa ha guwunguluga gufua gua Klisto. Mbayikhala mbala ya thomo gudi athu avula ha guya mu gudibungisa guene. Athu ako nji abembele gale gukombelela Yehowa nu ana guza ndo luko mu gudibungisa guene, mbaaza nji. Ako mbaatshita ngolo ha guya mu gudibungisa guene ikhale adi mutagana nu ndaga jia lamba jidi guakanga njila. Ikhale ndaga jia luholo lutshi udi mutagana najio, jiya egi Yehowa mbawusuanguluga gula watshita ngolo ha guya mu gudibungisa guene.