Gufuzumuga Mbagukhala Guene Handaga Yesu Wahanele Gibawu

Guwunguluga Gufua gua Yesu guana gutuhana njila ya gutangiza ndaga jiabonga mbatuheta mukunda nu gibawu, gifua gufuzumuga. Yehowa wafugilego athu ha gula afue. Yene yana gukalagala egi gula muthu tuana guzumba wafua, tuana guvua gikenene giavula. (1Kol 15:26) Yesu wavile gikenene tangua alandudi enji akhadile gudila Lazalo. (Yone 11:33-35) Yesu walandudile makalegelo agasue a Sh’enji, hene tuana gusha mutshima egi Yehowa nji wana guvua gikenene tangua tuana gudila gila phangi’etu wafua. (Yone 14:7) Yehowa wana gutangiza gutuama tangua mbaafuzumuna akombeledi enji, esue nji tudi nayo ya gutangiza tangua Yehowa mbawufuzumuna athu.​—Yobo 14:14, 15.

Luholo Yehowa adi Nzambi wa ndonga, tuajiya gushia mutshima egi athu mbaafuzumuga mu ndonga. (1Kol 14:33, 40) Hafundo dia gusha masaga (mafua), yajiya gukhala egi mbatudilondega ha guyamba athu mbaafuzumuga. Wana gutangiza gufuzumuga, ikhale mu matangua a lamba? (2Kol 4:17, 18) Wana guhana Yehowa mersi mukunda nu gibawu nu luholo muene wana gutuwambela mu Biblia egi athu mbaafuzumuga?​—Kol 3:15.

• Mukatshi dia mafuta aye nga aphangi’aye, nanyi wana gutshigina egi umone luko?

• Mukatshi dia athu Biblia yana guzuelela, nanyi wana gutshigina gumona ha gula ute nenji maga?