Gukhala nu Lujingu Lualeba Guana Gutukuatesa ha Gutumbuisa Nzambi

Mangino idi yaleba ha gubinda lujingu luetu nu ima yavula. Yana gutoga tangua nu ngolo ha gusumba, gufuta mikudi, gukalegela, gubamba nu gulondega ima tudi nayo. Yesu akhalelego gukamba ima yavula mu lujingu luenji, hagula ahete tangua diagulongesa mbimbi ya Nzambi.​—Mat 8:20.

Luholo lutshi gukhala nu lujingu lualeba guana gutubembela tangua diagulongesa mbimbi ya Nzambi? Muajiya gudilondega hagula muthu muko mu fami yenu abue muvundji wa njila ba? Gila udi mu mudimo wa tangua diagasue, wana hana njila egi ima yavula ibinde lujingu luaye ba? Gukhala nu lujingu lualeba guana gutukuatesa ha gusuanguluga mu mudimo wa Yehowa.​—1Tim 6:7-9.

Sonega maluholo wajiya gusombegesa ndaga mu monyo waye.