Tukudise Luholo Luetu Lua Gulongesa Mbimbi ya Nzambi​—Gusonegela Muthu Mukanda Wawaha

IDI NU NDANDO ITSHI: Mukanda wa 1 Kolinto udi mukatshi dia mikanda 14 mupostolo Phaula gasonegele aphangi’enji Aklisto ha guahana ngolo mu nyuma. Tangua muthu wana gusonega mukanda, wana gutomba mbimbi jiatagana adi naye gusonega, handaga mukanda wene mbawutangewa iphungu yavula. Gusonega mikanda gudi luholo luabonga lua gulongesa aphangi’etu a mu fami nu athu ako mbimbi ya Nzambi. Mikanda yana gukuatesa nji ha gulongesa athu anyi tuajiyilego gutagana nawo ha guta maga. Tufezegese gale. Muthu muko wajiya gusuanguluga nu giamatshidia, uvi idi lamba ha gumusanga gumbodi’enji. Mu membo ako, yakhala mukhuala ha gungina mu phango jiko. Ngenyi, yajiya gukhala lamba ha gutagana nu athu adi mujinga mu mafundo a luholo elu. Uvi, itshi tudi naye gujiya tangua tudi musonegela muthu mukanda?

LUHOLO LUA GUYIKAGALA:

• 

  Sonega ndaga wajiya guwambela muthu muene gula watagana nenji. Sendesa thomo gusonega jina diaye nu adrese yaye. Monesa nji haphelo gishina udi gumusonegela mukanda. Wajiya gumuhula muhu udi gumutuma ha gutangigiza, gungima muwambele ha gungina mu site internet yetu. Musonegele egi tuana gulongesa athu Biblia mu Internet. Mudijige nji luholo tuana gulongesa athu Biblia gu jinzo jiawo. Muwambele mito ya mene ya mikhapho idi mu mikanda tuana gukalegela ha gulongesa athu Biblia. Tuajiya gumba mu enveloppe mikanda gifua: trakte, karte dia gunginyina mu site yetu, nga imvitasio imoshi

• Usonegago ndaga jiavula-vula, hagula muthu mbawutanga mukanda waye gahuidigo ha gutanga.​—Tala Mukanda wa Gifezegeselo

• Tanga mukanda wene muavula. Gungima, tala gula wawusonega mu mbimbi jiatagana, jidi jialeba ha gutanga