Gusombegesa Dijui

Ishima 8:4, 7

NDAGA UDI NAYE GUKALAGALA: Monesa matangi haphelo, wajiya gukanduisa nga gubulumuna dijui diaye, wajiya nji guzuela muphushi nga mage-mage.

LUHOLO LUA GUYIKALAGALA:

• Sombegesa volime ya dijui diaye. Kanduisa dijui ha gumonesa matangi’a ndando nu ha gukuata mitshima ya athu. Itshite nji tangua udi mutanga verse jia usopheshi, gifua tangua Yehowa udi musophesa athu. Lebesa dijui ha gunana matangi a athu nga ha guzuelela ndaga jia woma nga jia gikenene.

• Zuela mu dijui diakoma nga diazonda. Kanduisa dijui ha gumonesa gusuanguluga nga ukomelo nu ulehelo wa ndaga udi muzuelela. Lebesa dijui tangua udi muzuelela ndaga ya lamba nga ya gikenene.

• Zuela phushi nga mage-mage. Zuela muphushi ha gumonesa matangi a muthu udi musuanguluga. Zuela mage-mage tangua udi muzuelela matangi’a ndando yavula.