Luholo lua Gukalegela Trakte ha Gusendesa Guta Maga nu Muthu

Sendese mu Janvier 2018, diyiji dia thomo dia Mukanda wa Gukalegela mu Gudibungisa gua Lujingu nu Mudimo wa Uklisto, diakhala nu ndaga jidi mumonesa luholo lua guta maga nu athu. Sendese tangua diene, atukolesele ha gusendesa guta maga nu athu ha fundo dia guaahana phamba mikanda. Ha gutagenesa felela diene, alongeshi ana tala video jiana monesa luholo lua gukalegela phamba Biblia ha gusendesa guta maga nu athu. Gukalegela metode awa, gudi mumonesa egi tushigo naye luko guhana athu mikanda tangua tudi mulongesa inzo nu inzo ba? Ndo sha! Handaga trakte jiajiya gukhala ikadigilo yawaha yajiya gukuatesa ha gusendesela guta maga nu athu. Tuajiya gukalegela metode awa alandula, gula tudi mutshigina guhana muthu trakte yagasue:

1. Hula muthu mihu idi ha diyiji dia thomo.

2. Muwambele mvutu ya Biblia idi mu verse idi gosa ha diyiji dia mbadi. Gula luholo ludi guene, tangenu ndaga jiko jidi mukatshi dia trakte yene. Gungima, jizuelelenu.

3. Hana muthu muene trakte, muwambele ha gutanga ndaga jiko jidi mu mukatshi.

4. Gutuama dia gukatuga, dijiga muthu muene muhu udi ha gamuto ga lumene gadi muzuela egi “Tangiza Gale.” Gungima, divuenu nu muthu muene ha guza mutadila mvutu ya Biblia lusugu luko.

Gula wavutugila muthu muene, zuelelenu mvutu ya muhu wabembele. Gungima, hula muhu uko mbamuzuelela lusugu luko. Wajiya guhula muhu udi mu site Internet yetu nga mu mukanda adi muzuelela ha diyiji dia gisugishilo dia trakte. Gula muthu muene wasuanguluga nu maga enu, muhane gamukanda Mene Jiabonga Jiakatuga Gudi Nzambi! nga ndo, muhane mukanda uko mukatshi dia Ikadigilo ya Gulongesela Biblia.