LONGO 1

Mbimbi Jiatagana jia Gisendeselo

Makalegelo 17:22

NDAGA UDI NAYE GUKALAGALA: Mbimbi jiaye jia gisendeselo jidi naye gutuma athu ha gugutegelela, jidi naye guakuatesa ha gujiya ndaga udi muzuela, nu ha gujiya mukunda natshi adi naye guyitegelela.

LUHOLO LUA GUYIKALAGALA:

Tuma athu ha gugutegelela. Wajiya guhula muhu, guzuelela ndaga imoshi yabuile, nga ndaga iko yajiya gutuma athu ha gugutegelela.

Tangigiza gutuama ndaga jiajiya gusuanguluisa athu adi gugutegelela nu ndaga jidi guaasagesa, ha gula jidivue nu mbimbi jiaye jia gisendeselo.
Monesa ndaga udi muzuelela. Tala gula mbimbi jiaye jia gisendeselo jidi mumonesa haphelo ndaga udi muzuelela nu gishina udi muzuelela ndaga yene.
Monesa mukunda natshi ndaga udi muzuelela idi nu ndando. Ndaga udi muzuelela idi naye gudivua nu ndaga jidi mutagana najio athu. Adi naye gukotelesa muabonga luholo ndaga yene yajiya guaakuatesa.

Tangua udi mutshita diskur, dihule egi, ‘Ndaga jitshi aphangi a mu hungu diami adi mutagana najio?’ Gungima, londega mbimbi jiaye jia gisendeselo hagula jidivue nu ndaga jiene adi mutagana najio.