Luholo Lutshi Mala nu Akaji’awo Ajiya Gukolesa Ulo Wawo

Abalahama nu Sara adi diago gifezegeselo giabonga gia gulandula handaga akhalele gudizumba nu gudinemesa mu ulo wawo. (Gis 12:11-13; 1Phet 3:6) Uvi akhalelego athu atagana, handaga ene nji akhalele mutagana nu malamba. Gifezegeselo gia Abalahama nu Sara giajiya gulongesa itshi gudi mala nu akaji’awo mu ulo?

Khalenu nu khadilo dia guta maga. Gula mulumi’aye nga mukaji’aye waguwambela ndaga nu khabu jiagasue, muhane mvutu nu gudibulumuisa guagasue. (Gis 16:5, 6) Khalenu mubalegesa tangua hamoshi. Khala mumonesa mu mbimbi jiaye nu mu makalegelo aye egi wana zumba mulumi’aye nga mukaji’aye. Khalenu musha Yehowa ha fundo dia thomo mu ulo wenu. Luholo lutshi? Khalenu mulonguga, mutshita gisambu nu mukombelela hamoshi. (Mulo 4:12) Ulo wakola wana tumbuisa Yehowa, mufugi wa ulo.

TALENU VIDEO LUHOLO LUTSHI YALA NU MUKHETU AJIYA GUKOLESA ULO WAWO. GUNGIMA, HANENU MVUTU GU MIHU EYI:

• Mu video eyi, ndaga jitshi jiamonesa egi Shaan nu Kiara akhalelego luko gudivua kiawaha?

• Mukunda natshi idi nu ndando egi yala nu mukhetu akhale gudiwambela ndaga nu giamatshidia giagasue?

• Luholo lutshi gifezegeselo gia Abalahama nu Sara giakuatesa Shaan nu Kiara?

• Ndaga jitshi jiatshitshile Shaan nu Kiara ha gubuisa ulo wawo bobobo?

• Mukunda natshi yala nu mukhetu ashigo naye gukamba egi akhale athu atagana mu ulo wawo?