Bamba Ulo Waye

Yehowa wana zula ulo nu ndando yavula. Wana zuela egi yala nu mukaji’enji adi naye gukhala bobobo. (Mat 19:5, 6) Ma ulo a luholo elu akhala avula mukatshi dia akombeledi a Nzambi. Uvi, gushigo nga ulo umoshi wakhala watagana. Ma ulo agasue akhala nu milonga. Hene, tudi naye gutuna matangi abola a athu a ha mavu awa ana zuela egi ha gubinga milonga tudi mutagana nayo, tudi naye gudikhapha nga gushiya ulo. Luholo lutshi Aklisto ajiya gubamba ulo wawo?

Tutadilenu ndaga eji thano:

1. Tushigo naye gukhala nu ufuta wakola gubalega nu muthu munu ashigo mukaji’etu nga mulumi’etu. Tudi naye nji gutuna gudikenesa nu ndaga jia sonyi jinyi jiajiya gubolesa ulo wetu.—Mat 5:28; 2 Phet 2:14.

2. Tudi naye gukolesa ufuta wetu nu Nzambi, tudi naye nji gukalagala ngolo ha gula ulo wetu ulandule gusuanguluisa Yehowa.—Ngi 97:10.

3. Landula gusudiga umuthu uhe-uhe nu gukalagala ndaga jia zonda-zonda nu gisemo giagasue ha gusuanguluisa mulumi’aye nga mukaji’aye.—Kol 3:8-10, 12-14.

4. Khalenu muta maga hamoshi nu gudinemesa guagasue.—Kol 4:6.

5. Landulenu guditagenesela nzala jiagasue nu guzumba.—1 Kol 7:3, 4; 10:24.

Gula Aklisto adi munemesa ulo wawo, adi mutumbuisa Yehowa handaga muene udi ha gishina gia ulo.

TALENU VIDEO TUDI NAYE ‘GUZULA PHUSHI NU GUKOLESELA GUAGASUE’—TUNEMESE MIKHUALA YA GUZULA PHUSHI. GUNGIMA HANENU MVUTU GU MIHU EYI:

• 

  Ngatshima ulo wajiya gusendesa muabonga, uvi malamba atshi tuajiya gutagana nawo?

• 

  Luholo lutshi malongo a Biblia ajiya gukuatesa athu adi mutangiza gamba guzumba gudi guazonda mu ulo wawo?

• 

  Mikhuala itshi Yehowa wambile mu ulo?

• Itshi yala nu mukaji’enji adi naye gutshita hagula ulo wawo ukhale nu gusuanguluga?