Asamble a Masugu Thathu Adi Luendu lua Gumonesa Guzumba

Mukunda natshi tuana suanguluga muavula nu asamble générale? Gifua mu Isalele ikulu, mangino nji ba asamble etu ana gutuhana luendu lua gukombelela Yehowa hamoshi nu aphangi Aklisto ako avula agujinginyina. Tuana suanguluga nu ndaga jiagasue tuana longuga guene handaga jiana gutukuatesa ha gusala ya gujinginyina gudi Yehowa. Tuana suanguluga nji nu tangua tuana balegesa nu aphangi etu nu enya fami yetu. Hene, tuana khala nu gusuanguluga ha guya mulandula asamble etu masugu agasue thathu.

Gula tuaheta luendu lua gudibungisa hamoshi, tushigo naye gutangiza phamba gubonga tuajiya guheta, uvi tudi naye nji gutangiza luholo tudi naye gumonesela athu ako guzumba. (Gal 6:10; Heb 10:24, 25) Tuajiya gumonesa egi tudi mukamba gubonga gua aphangi etu mu ndaga jia zonda-zonda gifua: Gunengenena nu guhuiminyina guagasue ha gula aphangi ako azoge ha mufulo nga gukuata mafundo phamba mukunda nu athu mudi nawo. (Fili 2:3, 4) Ba asamble etu akoma ana gutukhuatesa ha gukuata mafuta avula ahe-ahe. Gutuama nu gungima dia programe nga mutangua dia guhululuga, tudi naye gukalagala yagasue ha guta maga nu athu anyi tushigo mujiya. (2 Kol 6:13) Ufuta mbatukuata nawo wajiya gusala mayilago! Ndaga yabalega ndando idi egi, gula tudi mumonesela athu ene guzumba gua giamatshidia mu makalegelo, ajiya guzula desizio dia gukombelela Yehowa.—Yone 13:35.

TALENU VIDEO ASSEMBLÉES INTERNATIONALES ADI NU MUTO WA LUMENE EGI: “GUZUMBA GUANA GUHUA NDO”! GUNGIMA, HULA MIHU EYI:

• 

  Luholo lutshi aphangi amonesele guzumba gudi aphangi ayile gu assemblées internationales a givo 2019?

• 

  Luholo lutshi akombeledi a Yehowa ana monesa egi ana khala hamoshi nu adi nu guzumba?

• 

  Hunji dia Akulu Atuameji dia monesele egi Aklisto adi naye gumonesa guzumba gua luholo lutshi?

• 

  Luholo lutshi aphangi a gu Allemagne nu a gu Corée du Sud amonesele guzumba gua Uklisto?

• Desizio ditshi tudi naye guzula?