Kampanye Spesiale ha Gusendesa Gulonguga Biblia nu Athu mu Septembre

Mu mbeji ya Septembre, mbatutshita ngolo ha gukalegela gamukanda Heta Monyo wa Ivo nu Ivo! ha gusendesa gulonguga Biblia nu athu. Tuajiya gutomba ha gubua muvundji wa njila wa tangua diazonda, ha guhana matangua 30 ana togewa. Luholo lutshi tuajiya guhana mago mu kampanye gene?

• Mu Gudimona gua Thomo: Kalegela ndaga jidi ha dijiyi dia gisugishilo dia gamukanda Heta Monyo wa Ivo nu Ivo! ha gukuatesa athu ha gusuanguluga nu giamatshidia. Monesa nji luholo lua gulonguga Biblia nu athu mu gamukanda gene. Wunguluga nji athu anyi asuangulugile nu giamatshidia, nu athu anyi udi naye guvutugila. Athu anyi atunyile gulonguga Biblia mu masugu abalega, ajiya gusuanguluga nu metode ahe-ahe tudi mukalegela ha gulonguga nu athu mu gamukanda gaga. Uvi tushigo naye guhana gamukanda Heta Monyo wa Ivo nu Ivo! gudi athu anyi asuangulugilego nu giamatshidia nga guatumila nago hamoshi nu mukanda tuasonega. Komite ya Mudimo wa Hungu, ajiya gulondega ndaga jiko mukunda nu mudimo wa gulongesa mu mbeji yene.

• Ba Okazio ako: Gula hungu dienu diana kalegela présentoirs mobiles, mbenu gamukanda Heta Monyo wa Ivo nu Ivo!. Wambela athu adi musuanguluga nu giamatshidia egi, gamukanda gene gana kuatesa athu ha gulonguga Biblia ya ofele. Monesa mu guhihia luholo lua gulonguga Biblia mu gamukanda gene, nga ndo divuenu ha guyizuelela gungima. Mutadi wa mudimo wa gulongesa, wajiya gutomba alongeshi adi nu eksperianse ha guya mu mazando nga mu ba magasin ha gukamba athu ajiya gusendesa gulonguga Biblia. Muajiya gutoga athu muana tshita nawo mudimo ha gusendesa gulonguga nawo Biblia nga gudi athu anyi mualongesele mu okazio umoshi muahetele.

Yesu watuwambelele ha gubuisa athu “alandudi” nu ‘gualongesa.’ (Mat 28:19, 20) Tudi diago musha mutshima egi kampanye spesiale gaga, mbagadi gutukuatesa ha gusendesa gulongesa athu Biblia mu gamukanda Heta Monyo wa Ivo nu Ivo!