Udi Mujiya Luko Ba?

Wajiya guhana mvutu gu mihu eyi yakatuga mu Inzo Yaleha ya Mutaledi ya 2019?

Laji dia Nzambi didi muzuela egi, ‘Iluilo yagasue yalondewe ha gumiluisa mbayibingigo’ didi mukotelesa itshi? (Yesh. 54:17)

Tudi musha mutshima egi Nzambi mbawutubamba gu iluilo yagasue idi gifua “muhehe wa mafumu a khuta.” (Yesh. 25:4, 5, NWT) Mbalagaji jietu mbajibingigo ha gututshita gubola mayilago.—w19.01-F, diyiji 6-7.

Luholo lutshi Nzambi gamonesele nduedi yenji mu ndaga gatshitshile enya Kanana nu enya Isalele ashaga?

Nzambi wahanele ndola gudi athu akhalele mutshita ndaga jiabola jia uthambi, nu akhalele mumonesa akhetu nu ana lamba. Uvi, washimbigile athu akhalele gumutumagela nu akhalele mukalegela athu ako ndaga jia nduedi.—w19.02-F, diyiji 22-23.

Itshi tudi naye gutshita gula muthu udi mukalagala gisambu gashigo Temue wa Yehowa?

Tudi naye guhena tedie. Tushigo naye gutaya egi “amen.” Tushigo naye nji gudikuata mago nu athu tangua adi mukalagala gisambu. Mu tangua diene, tuajiya gutshita gisambu gietu mu mutshima.—w19.03, diyiji 31.

Luholo lutshi guzangela mona wazonda gudi gubola guakoma?

Guzagela mona gudi ndaga yabola mukunda nu mona muene, nu hungu, nu mafumu a leta, nu gudi Nzambi. Mu mafundo anyi mikhuala ya leta idi mutoga ha guwambela mafumu gula muthu wazangela mona wazonda, akulu adi naye guwambela mafumu a leta gula ndaga ya luholo elu yakalegewa.—w19.05, diyiji 9-10.

Luholo lutshi wajiya gusombegesa nu gulondega matangi aye?

Tala ndaga udi naye gutshita: Toga Yehowa mu gisambu. Tangigiza ha gujiya ndaga udi naye gulondega. Tomba mafuta awaha.—w19.06, diyiji 11.

Itshi tuajiya gukalagala sendese mangino ha gudilondega mukunda nu usageshi?

Tudi naye gukolesa ufuta wetu nu Yehowa. Sha mutshima egi Yehowa wana guguzumba, nu muene mbagashigo gutubemba nga hazonda. Tanga Biblia lusugu nu lusugu, nu khala mukombelela tangua diagasue. Sha mutshima egi mafelela abonga a Ufumu wa Nzambi mbaatagana. Kuata verse jia Biblia nu ngimbo jietu mu muto.—w19.07, diyiji 2-4.

Itshi tuajiya gukalagala ha gukuatesa enya fami yetu hagula ahuluishiwe?

Idi nu ndando egi tudihage ha fundo diawo. Tudi naye guaalongesa mu makalegelo etu abonga, gukhala nu guhuiminyina nu gutema.—w19.08, diyiji 15-17.

Luholo lutshi mbimbi jiazuelele Yesu mu Matayo 11:28 jiana gutuhana ngolo?

Tudi nu atuameji abonga diago ana gutuzumba, tudi nji nu mafuta abonga lume nu mudimo wawaha lume.—w19.09, diyiji 23.

Luholo lutshi Nzambi wana gutuhana nzala nu ngolo jia gukalagala ndaga? (Fili. 2:13)

Gula tudi mutanga Biblia nu tudi mutangigiza ndaga tuatangi, Nzambi mbawutuhana nzala nu ngolo jia gukalagala ndaga nu gutagenesa felela dienji. Nyuma yenji yabonga yajiya gutukuatesa ha gukadigila muabonga ndaga jiko tuana jiya gale.—w19.10, diyiji 21.

Itshi tudi naye gukalagala gutuama egi tuzule desizio dia ndando?

Tala ndaga thano tudi naye gukalagala: Kamba muabonga matangi a Nzambi. Kombelela ha guheta ndunge. Tadila muabonga matangi adi gugutuma ha guzula desizio. Khala mujiya ndaga udi naye gutshita. Tshigina ndaga luholo jidi.—w19.11, diyiji 27-29.

Ndaga jiana zuela athu egi monyo wanago gufua, jiasendesele nu mbimbi Satana gawambelele Eva ba?

Yajiya gukhala egi ndo. Satana wawambelele Eva egi mbagafuigo nga hazonda. Gamulezelego egi phamba muila wenji mbawufua uvi monyo wenji mbawulandula gujinga. Tudi mujiya egi ikombelelo yagasue ya mambo yakulugile mu tangua dia Nowa. Idi naye gukhala egi longo dia mambo didi muzuela egi monyo wanago gufua, diasendesele gutuama egi Nzambi amuange athu anyi akhalele mutunga inzo yaleha ya Babele.—w19.12, diyiji 15.