BIBLIOTEKE YA MU INTERNET
Biblioteke
YA MU INTERNET
Kipende
  • BIBLIA
  • MIKANDA
  • GUDIBUNGISA
  • w20 Mai mayiji 8-11
  • Gudiluisa gua Mafumu mu Masugu a Gisugishilo

Gushigo nga video mukunda nu paragrafe nga verse watombi.

Gudi nu erreur yakalegewa mu tangua dia gutanga video eyi.

  • Gudiluisa gua Mafumu mu Masugu a Gisugishilo
  • Inzo Yaleha ya Mutaledi Yana Gulongesa Ufumu wa yehowa (Ya Gulonguga)—2020
  • Ndaga jia Luholo Lumoshi
  • Nanyi Wakhalele ‘Fumu ya gu Nord’ mu Masugu a Gisugishilo?
    Inzo Yaleha ya Mutaledi Yana Gulongesa Ufumu wa yehowa (Ya Gulonguga)—2020
  • Nanyi Udi “Fumu ya gu Nord” Mangino?
    Inzo Yaleha ya Mutaledi Yana Gulongesa Ufumu wa yehowa (Ya Gulonguga)—2020
  • Ndaga Mukanda wa Gumonesa Wana Zuela Mukunda nu Mbalagaji jia Nzambi
    Inzo Yaleha ya Mutaledi Yana Gulongesa Ufumu wa yehowa (Ya Gulonguga)—2022
  • Malongo Tuajiya Guzula mu Profesi Jidi mu Biblia
    Inzo Yaleha ya Mutaledi Yana Gulongesa Ufumu wa yehowa (Ya Gulonguga)—2023
Inzo Yaleha ya Mutaledi Yana Gulongesa Ufumu wa yehowa (Ya Gulonguga)—2020
w20 Mai mayiji 8-11

Gudiluisa gua Mafumu mu Masugu a Gisugishilo

Profesi jiko jidi mu tablo edi jidi muzuelela ndaga jiakalegewe mu tangua dimoshi diene. Jiana gumonesa diago egi tudi mujinga mu ‘masugu a gisugishilo.’—Dan. 12:4.

Tablo didi mumonesa profesi jiatadila fumu ya gu nord nu fumu ya gu sud, didi mumonesa gula nanyi wakhalele fumu ya gu nord nu fumu ya gu sud sendese mu 1870 uu nu mangino.
  • Tablo 1/4 didi mumonesa luholo profesi jiakhalele gudilandula mu masugu a gisugishilo sendese mu 1870 uu nu mu 1918. Masusu a gisugishilo asendesele mu 1914. Profesi 1: Shitu ya gishitu ya mito sambadi yazogele mu givo gia gudiangela gidi mu tablo eyi. Sendese mu Ita ya thomo ya ha Mavu agasue, muto ya sambadi wa shitu yene wanamenesewe (wanemegewe). Mu 1917, muto wa sambadi wene wawelugile (wabelugile), nu shitu ya gishitu yene yahetele luko ngolo. Profesi 2: Mu 1870 tuajiyile gula nanyi wakhalele fumu ya gu nord nu fumu ya gu sud. Mu 1871 gifutshi gia Allemagne giabuile fumu ya gu nord. Gifutshi gia Angleterre giabuile thomo fumu ya gu sud, uvi sendese mu mu givo 1917 Puissance Mondiale Anglo-Américaine yene yakhala fumu ya gu sud. Profesi 3: sendese 1870, Charles T. Russell nu mafut’enji akhalele ‘mutumiwi.’ Sendese mu 1881, zulunalu ‘Le Phare de la Tour de Sion’ ya mu Anglais yatogele akombeledi a Yehowa ha gulongesa lukuma luabonga. Profesi 4: mu 1914 sungi ya gumuna yasendesele. Mayiji abola akatudiwe mukatshi dia ble. Profesi 5: Mu 1917, ikanzo ya utadi nu ya wuma yazoga. Ndaga jiko jidi mu tablo yene: Ndaga jiagasue jiakadigiwe mu tangua dia Ita ya thomo ya ha Mavu agasue mu 1914 uu nu 1918. Ndaga jiabuidile akombeledi a Yehowa: Sendese mu 1914 uu nu mu 1918, alongogi a Biblia a gu Angleterre nu a gu Allemagne ambiwe mu bologo. Mu 1918, Aphangi akhalele mutuemeza mudimo wa gulongelesa gu États-Unis ambiwe mu bologo.
    Profesi 1.

    Ba Verse Yat. 11:7; 12:13, 17; 13:1-8, 12

    Profesi: ‘shitu ya gishitu’ yana hinyina athu ha mavu ivo gubalega 3 000. Mu masugu a gisugishilo, muto wenji wa sambadi wanamenesewe. Gungima, muto wene wawelugile, “athu agasue a ha mavu” alanduile shitu yene. Satana wakalegele shitu eyi ‘ha guluisa enya gijila anyi asalele.’

    Gutagenesewa: Gungima dia mvula ya Noa, ba guvernema a athu asendesele gulumbugila Yehowa. Gungima dia ivo 3 000 nu holu, guvernema umoshi wa ngolo jiavula mu jina dia Angleterre, watotesele ngolo jienji mu tangua dia Ita ya thomo ya ha Mavu agasue. Wadibungishile nu États-Unis ha guheta luko ngolo. Hene, mu masugu a gisugishilo, Satana wakalegele ba guvernema agasue a politiki a ha mavu ha guluisa akombeledi a Nzambi.

  • Profesi 2.

    Ba Verse Dan. 11:25-45

    Profesi: Mu masugu a gisugishilo, fumu ya gu nord nu fumu ya gu sud ana gudiluisa.

    Gutagenesewa: Allemagne akhalele muluisa Angleterre nu États-Unis. Mu 1945 Union Soviétique nu ifutshi yakhalele guyikuatesa, yabuile fumu ya gu nord. Mu 1991, Union Soviétique yabuile, gungima Russie nu ifutshi yana gumukuatesa yabuile fumu ya gu nord.

  • Profesi 3.

    Ba Verse Yesh. 61:1; Mal. 3:1; Luka 4:18

    Profesi: Yehowa watumine “mutumiwi” ha ‘gulonda njila’ gutuama egi Ufumu wa Masiya usendese guhinyina. Athu ene asendesele ‘gulongesa lukuma luabonga gudi athu a gudibulumuisa.’

    Gutagenesewa: Sendese mu 1870, C. T. Russell nu mafut’enji, alongugile Biblia muavula ha gujiya diago ndaga Biblia yana gulongesa. Mu 1881, akotelesele egi idi diago nu ndando egi akombeledi a Nzambi alongese lukuma luabonga. Asonegele mene jiavula mu mikanda gifua eji: “Recherchons 1 000 prédicateurs” nu “Oints pour prêcher.”

  • Profesi 4.

    Ba Verse Mat. 13:24-30, 36-43

    Profesi: Mbalagaji yakunyile mayiji abola mu dihia dia ble, mayiji ene akudile nu ashitshile ble uu nu hajile tangua dia gumuna; gungima, akhaphumuine mayiji abola nu ble.

    Gutagenesewa: Sendese mu 1870, tuasendesele gumona gudisha guakhalele mukatshi dia Aklisto a giamatshidia nu a mambo. Mu masugu a gisugishilo, Aklisto a giamatshidia akhala a gudibungisa mu hungu nu adikhaphele gale nu gikombelelo gia mambo.

  • Profesi 5.

    Ba Verse Dan. 2:31-33, 41-43

    Profesi: Ikanzo ya utadi nu wuma ya gisongo ginyi giakalegewe nu utadi wa maluholo a gudisha.

    Gutagenesewa: Wuma udi mumonesa athu agasue a ha mavu ana gutuamezewa gudi Puissance Mondiale Anglo-Américaine nu anago guyitumagela. Mukunda nu athu ene, ba guvernema awa anago gukhala nu luholo lua gukalegela ngolo jiawo gifua utadi.

  • Tablo 2/4 didi mumonesa luholo profesi jiakhalele gudilandula mu masugu a gisugishilo sendese mu 1919 uu nu mu 1945. Allemagne abuile fumu ya gu nord mu 1945. Fumu ya gu sud wakhalele Puissance Mondiale Anglo-Américaine. Profesi 6: mu1919, Aklisto ambiwe maji mu nyuma abungishiwe mu hungu dia Uklisto. Sendese mu 1919, mudimo wa gulongesa wana gukalegewa muavula, nu wana gulandula gukalegewa. Profesi 7: Mu 1920, azolele Société des Nations nu yakhalele uu nu mu tangua dia Ita ya mbadi ya ha Mavu agasue. Ndaga jiko jidi mu tablo yene: Profesi 1, shitu ya gishitu ya mito sambadi yana landula guhinyina. Profesi 5, ikanzo ya utadi nu ya wuma yana landula guhinyina. Ndaga jiakalegewe sendese mu 1939 uu nu mu 1945: Ita ya mbadi ya ha mavu agasue. Ndaga jiabuidile akombeledi a Yehowa: Sendese mu 1939 uu nu mu 1945, Matemue a Yehowa gubalega 11 000 ambiwe mu bologo gu Allemagne. Mu 1939 uu nu mu 1945, Matemue a Yehowa hehi nu 1 600 ambiwe mu bologo gu Angleterre. Gu États-Unis, sendese mu 1940 uu nu mu 1944, thundu jia athu 2 500 jialuishile Matemue a Yehowa.
    Profesi 6.

    Ba Verse Mat. 13:30; 24:14, 45; 28:19, 20

    Profesi: ‘Ble’ idi mubungishiwa mu “mukala”, nu ‘muhiga wafubidila nu watema’ wahagewa holu dia ‘enya mudimo.’ Mudimo wa gulongesa “lukuma luabonga lua Ufumu” wasendesa gukalegewa ‘ha mavu agasue.’

    Gutagenesewa: Mu 1919 muhiga wafubidila wahagewe holu dia akombeledi a Nzambi. Sendese mu tangua diene, alongogi a Biblia akalegele mudimo wa gulongesa muavula lume. Mangino, Matemue a Yehowa adi mulongesa mu ifutshi gubalega 200 nu adi muzola mikanda yana gukotelesa Biblia mu mazuelelo gubalega 1 000.

  • Profesi 7.

    Ba Verse Dan. 12:11; Yat. 13:11, 14, 15

    Profesi: Shitu ya gishitu ya mbinga mbadi idi mutuma athu ha gulonda ‘gisongo gia shitu ya gishitu’ nu idi guyihana ‘muhehe wa monyo.’

    Gutagenesewa: Puissance Mondiale Anglo-Américaine yazolele Société des Nations. Ifutshi iko yanginyinyine nji mu organizasio yene. Sendese mu 1926 uu nu mu 1933, fumu ya gu nord wakhalele nji mukatshi dia ifutshi yakhalele mu Société des Nations. Athu akhalele mutangiza egi Société des Nations yajiya guvutula guhuima ha mavu, ndaga idi phamba Ufumu wa Nzambi wajiya gutshita; nu ana gutangiza nji ngenyi mukunda nu Nations Unies (ONU).

  • Tablo 3/4 didi mumonesa luholo profesi jiakhalele gudilandula mu masugu a gisugishilo sendese mu 1945 uu nu mu 1991. Union Soviétique nu ifutshi yakhalele gumukuatesa yabuile fumu ya gu nord nu yafuile mu 1991, gungima dienji Russie nu ifutshi yana gumukuatesa yabuile fumu ya gu nord. Fumu ya gu sud wakhala Puissance Mondiale Anglo-Américaine. Profesi 8: tshuya tua bombe tudi gifua uhua, tudi mumonesa luholo Puissance Mondiale Anglo-Américaine yabolesele ima yavula. Profesi 9: Nations Unies yazolewe mu 1945, ha fundo dia Société des Nations. Ndaga jiko jidi mu tablo yene: Profesi 1, shitu ya gishitu ya mito sambadi yana landula guhinyina. Profesi 5, ikanzo ya utadi nu ya wuma yana landula guhinyina. Profesi 6, mu 1945 alongeshi akhalele 156 000 nu holu. Mu 1991, alongeshi akhalele 4 278 000 nu holu. Ndaga jiabuidile akombeledi a Yehowa: Mu sungi ya Union Soviétique, sendese mu 1945 uu nu mu 1950 Matemue a Yehowa avula atumiwe gu Sibérie.
    Profesi 8.

    Ba Verse Dan. 8:23, 24

    Profesi: Fumu mumoshi wana monega gu meso gifua wabala udi ‘mushiya athu mu luholo lua gushimana.’

    Gutagenesewa: Puissance Mondiale Anglo-Américaine yashiyile gale athu avula nu yazangelele gale ima yavula. Tufezegese gale, mu tangua dia Ita ya mbadi ya ha Mavu agasue, États-Unis yambile bombe mbadi mu ifutshi yakhalele nu umbalagaji nu Angleterre nu États-Unis, bombe jiene jiazangelele diago ima yavula gubalega.

  • Profesi 9.

    Ba Verse Dan. 11:31; Yat. 17:3, 7-11

    Profesi: Shitu ya ‘benga’ ya gishitu idi nu mbinga kumi idi muzoga mu wina ushigo nu gisugishilo, nu yene idi fumu ya nage. Mukanda wa Danyele udi mutamega fumu muene egi ‘gima gia usala gidi mubata gufua.’

    Gutagenesewa: Société des Nations yabuile mu tangua dia Ita ya mbadi ya ha Mavu agasue. Gu ngima dia ita yene, ONU “wazolewe.” Athu ana guhana lutumbu gudi ONU gifua muakhalele ene muhana Société des Nations, ha fundo dia guhana Ufumu wa Nzambi. ONU wene mbawushiya ikombelelo yagasue.

  • Tablo 4/4 didi mumonesa luholo profesi jiakhalele gudilandula mu masugu a gisugishilo sendese mu masugu etu uu nu mu tangua dia ita ya Armaguédon. Fumu ya gu nord wakhala Russie nu ifutshi yana gumukuatesa. Fumu ya gu sud wakhala Puissance Mondiale Anglo-Américaine. Profesi 10: Mafumu a ha mavu adi muzuela egi ‘guhuima nu ubambi.’ Gungima, lamba dia kola diasendesa. Profesi 11: Ifutshi yaluisa ikombelelo yagasue ya mambo. Profesi 12: Ba guvernema agasue a ha mavu aluisa akombeledi a Nzambi. Aklisto agasue ambiwe maji mu nyuma anyi asalele hashi abungishiwa mu dilu. Profesi 13: Armaguédon. Muthu yonu udi holu dia gabalu gaphega wazoga ha gubinga uu nu gu suga. Shitu ya gishitu ya mito sambadi yashiyiwa; gisongo gikoma giamuangewa gu ikanzo yenji ya utadi nu wuma. Ndaga jiko jidi mu tablo yene: Profesi 1, shitu ya gishitu ya mito sambadi mbayilandula guhinyina uu nu mu tangua dia ita ya Armaguédon. Profesi 5, ikanzo ya utadi nu wuma mbayilandula guhinyina uu nu mu tangua dia ita ya Armaguédon. Profesi 6, mangino alongeshi adi 8 580 000 nu holu. Ndaga jiabuidile akombeledi a Yehowa: Mu 2017, Mafumu a gu Russie ambile Matemue a Yehowa mu bologo nu atambuile jinzo jia Betele.
    Profesi 10 nu 11.

    Ba Verse 1 Tes. 5:3; Yat. 17:16

    Profesi: Ifutshi mbayizuela egi ‘tudi mu guhuima nu ubambi,’ nu “mbinga kumi” nu “shitu ya gishitu” mbajiluisa “mukhetu wa thambi” nu mbajimushiya. Gu ngima, ifutshi yagasue mbayishiyiwa.

    Gutagenesewa: Ifutshi mbayitangiza egi yahaga guhuima nu ubambi ha mavu. Ifutshi idi mukuatesa ONU, mbayishiya ndaga jiatadila gikombelelo gia mambo. Ndaga eyi mbayikhala gisendeselo gia lamba dia kola. Lamba diene dia kola mbadisuga tangua mavu a Satana mbaashiyiwa gu Armaguédon.

  • Profesi 12.

    Ba Verse Ezek. 38:11, 14-17; Mat. 24:31

    Profesi: Gogi mbawungina mu gifutshi gia akombeledi a Nzambi. Gungima, anjelo mbaabungisa ‘athu atombewe.’

    Gutagenesewa: Fumu ya gu nord mbawudibungisa hamoshi nu ba guvernema a ha mavu ha guluisa akombeledi a Nzambi. Tangua ita eyi mbayisendesa, Aklisto ambiwe maji mu nyuma anyi mbaakhala hashi mbaabungishiwa mu dilu.

  • Profesi 13.

    Ba Verse Ezek. 38:18-23; Dan. 2:34, 35, 44, 45; Yat. 6:2; 16:14, 16; 17:14; 19:20

    Profesi: “Muthu wakhalele holu” dia ‘gabalu gaphega’ mbawuzoga ‘ha gubinga’ nu gushiya Gogi nu masuta enji. ‘Shitu ya gishitu mbayimbiwa mu kianga gia tshuya.’ Seso diakoma mbadimuanga gisongo giakoma.

    Gutagenesewa: Yesu, Fumu ya Ufumu wa Nzambi, mbawuza hamoshi nu Aklisto 144 000 ambiwe maji mu nyuma, nu anjelo ha guhuluisa akombeledi a Nzambi, nu ha gushiya ifutshi yagasue. Mbayikhala gisugishilo gia mavu awa a Satana.

    Mikanda ya Kipende (2000-2025)
    Zoga
    Ngina
    • Kipende
    • tumina muthu muko
    • Tomba ndaga jia luholo nu luholo
    • Copyright © 2025 Watch Tower Bible and Tract Society of Pennsylvania
    • Luholo lua Gukalegela Site Yetu
    • Gunemesa Ndaga jia Athu Ako
    • Paramètres de confidentialité
    • JW.ORG
    • Ngina
    tumina muthu muko