Tangua udi Mulonguga Kamba Gujiya Ndaga Jihe-jihe

Tangua udi mutshigina gulonguga, wajiya gudihula egi: ‘Itshi ngudi mutshigina gulonguga?’ Tangua tudi mulonguga, ikhale tudi mutshigina gulonguga ndaga imoshi ngenyi ishigo mukotelesa egi Yehowa gashigo nu ndaga ihe-ihe ya gutulongesa. Luholo lutshi tuajiya gukamba gujiya ndaga jihe-jihe tangua tudi mulonguga?

Toga Yehowa aguhane ndunge. Toga Yehowa a gukuatese ha gukotelesa ndaga jidi mutshigina muene egi ulonguge. (Yak. 1:5) Ushigo mutshima waye phamba mu ndaga wana jiya gale.​—Ish. 3:5, 6.

Bemba egi Mbimbi ya Nzambi igutuameze. “Mbimbi ya Nzambi idi nu monyo.” (Heb. 4:12) “Mbimbi” ya Nzambi yajiya gutukuatesa mu maluholo a gudisha tangua diagasue tudi guyitanga, uvi hagula itukuatese tudi naye gujiya egi tudi nu funu ya gulonguga ndaga jidi gutulongesa Nzambi.

Suanguluga nu ima yagasue idi ha mesa a Yehowa. Ima yenji ya gudia ya mu nyuma idi gifua ‘wano udi nu ima yavula ya gudia.’ (Yesh. 25:6) Ubembigo gutanga ndaga udi mumona egi mbayishigo gugusuanguluisa. Gutshita ngenyi mbagugubatela gubonga nu mbawusuanguluga nu ndaga jidi gugulongesa Nzambi!