LAI 13

¿Naeʼgaʼ gaʼ sʼétaq daʼ qoʼmi ỹiỹamaxaden ñiʼ Dios?

Sa ʼauaʼuo gaʼ niquiỹáʼa ñiʼ Dios (1 Corintios 6:9, 10).

Naa sa ỹiỹamaxaden ñi’ Dios: necacháxac, ỹómaxac, saconáxa jan’ droga, qonetamenot jen’ so’chi l’onatac

Daʼ sauotaxac ñiʼ Qadetʼa, qanaʼchi saʼ sʼétaq gaʼ sa ỹisiquiaʼanguet.

Ñiʼme sa ỹiỹamaxaden daʼ secachaq, daʼ ñiỹómaxaq, qataxa saconáxa janʼ droga.

Ñiʼ Dios niquiỹáʼa daʼ nesóliaxac, daʼ naláataxanaxac, naʼ liʼmi daʼ maiʼchi ʼuonaʼt, qataxa naʼ ỹauoʼ. Nataʼen sa ỹiỹamaxaden daʼ qadoqopita daʼ nesaliaxa qataxa sa ʼte qoʼmi lóquiaxaiqa.

ʼUana ñitamnoqot gaʼ niquíʼi qataxa ʼuana sʼétaq daʼ pinaxac qalqoʼ daʼ naconáxanaxac.

Naaʼ siỹaxadipi ʼme ỹíʼet dójoʼ janoic sa ỹiset daʼ nalégue jenʼ ʼaléua qomle ỹivíta daʼ ʼónaxaic nʼacháqaʼ.

ʼAuaʼuo daʼ ʼónaxaic jenʼ qadaỹipi (Mateo 7:12).

Naa ỹiỹamaxade’n ñi’ Dios: saloxónaxa da’ qadauotáqtaxanaxac, na’chi ’eetaʼt s’axátaq na’ ỹátaqchiiñi, sechoxodénataxanaq

Ñiʼ Jehová noqopita daʼ ñʼañaxataq daʼ senaqáʼam Ñiʼme.

ʼAm nʼootam qataxa sa ʼam semataqaic. Souáxaʼchi naqaida daʼ nauotáqtaxanaxac.

ʼAuéʼet gaʼ ỹiỹamqáchiiñi.

ʼAuen chiỹanqanỹi naʼ ʼadiquidiaqte daʼ ʼauchoxoden naʼ ʼadaỹi.

Dos da’ testigo ñi’ Jehová d’aqtaxátrapem da’ siỹaxaua

ʼAuʼaxátem naʼ ʼadaỹi daʼ lataxac ñiʼ Dios qataxa naʼ lapaxaguenataxanaco (Romanos 10:13-15).