Parte 4
Kexrein kjuiʼina ixi kui̱ʼina thi ndáchro Inchiji o Xi Jiaʼan
Adán ko Eva ta binthege̱ʼena ixi bithikauʼana thi ndáchro Dio (Génesis 3:6, 23; 2 Corintios 11:3)
Eva bithikaun thi ndáchro Inchiji o Xi Jiaʼan ko juíne thuchjuiin nthaa ke bitueʼena ke rujineʼana. Kuthéjan chjee Adán thuchjuin jiʼi kai, ko jeʼe juíne tho.
Thi juincheʼena ndakuaʼa beʼe: kunixi yaa kjuagúxina ke i bithikauʼana Dio. Mexinxí, Dio ta bengíxin Adán ko Eva de ngai nthajie Edén.
Anto tsje thi tangi bétana jeʼena ko xe̱ʼena. Bátho náno, ko kuexiʼin ta kujuu̱na ko ta binthege̱ʼena. Sakjuiʼana ngajni, ni i xruʼin thino inaa kjuina; juʼo i kuʼana.
Ni ta de̱ʼen ta kjana jinche ko i xruʼin ncheʼena (Génesis 3:19)
Kainxiná juixiná de ngai Adán ko Eva. Mexinxí, jaʼana kai ta de̱ʼená. Ni ta de̱ʼen i xruʼin díkuna, i xruʼin thi̱ʼina ko i xruʼin ncheʼena (Juan 11:11-14).
Jehová juinauʼa ke chujni ruge̱ʼen. Ó tuin tsii nchaʼun ke jeʼe sincheʼe ke rukjan singathje chujni ke ta binthege̱ʼen. Ko si sithikauna thi ndáchro jeʼe, i rukjaʼan se̱ʼena. Sinthéchuna anto sée ko i se̱ʼana.