PARTE 13

Kexrein nchao sunthuʼuná thi nchexruxiʼin Dio

Dencheʼa thi dingakuʼen Dio (1 Corintios 6:9, 10)

Kain thi dingaku’en Dio: thi theeni, thi kuani, o are dunde’eni kexe’o inaa thi ncheni’ini ko kai juaxraxaueni, thi thetuni, thi nchekuanxi’ini inaa dio ko thi nchesaye’eni ícha dio

Si thjueʼená Dio, sunthuʼaná thi jeʼe nchexruxiʼan.

Dio rinauʼa ke tseená, ke ruku̱aná. Kai rinauʼa ke tsjanu̱ʼaná kajno̱ o sundaaná kexeʼo inaa thi ncheʼe ke ta tuniʼini ko ta ncheniʼi juaxraxaueni.

Dio dingakuʼen thi dankájina chja̱n, thi yuo xii o yuo nchrii dinthejuakaʼo chuo ko thi du̱en chuuna. Kai nchexruxiʼan ke juʼo tsjeená ruchundaná tsje túmi ko ke tsjaayaná ngai chujni.

Sunthusayeʼaná dio ke chujni nchechjian ni sunthuʼaná thi ncheʼe ni thúso ko ni dantúnga chuo.

Chujni ke ncheʼe jiʼi chruʼa sinthena ngai Nunthe are ta rukjan naa nthajie anto chrjuin seʼe.

Chunda ke sunthuʼuná thi jian jii ngai chujni (Mateo 7:12)

Thi jaán nchexruxi’in Dio: thi thjue’eni ni ícha, thi thema’ani ko thi nchetjañe’eni ni ícha

Jehová nchexruxiʼin are tanuinka nthuʼuná para ke nchao sunthuʼuná xraa jeʼe.

Suíxi chunda ke sencheʼe thi jian ko sekengijna ni rugundeʼe. Jaña tsjaguntha ke thjueʼenthana.

Themeʼantha chujni.

Nchetjañeʼentha ni ícha.

Yuo ni testigo de Jehová té thekiina de Dio naa thi xii

Thekiʼintha ícha chujni de thi ndáchro Dio (2 Timoteo 4:2).