Thi rugunda tsunuʼen ni sikun jiʼi

NI DAYEE CHUJNI. Ni dayee chujni tena para sekengijnana. Degithikaun thi sendathjuna de thino sekengathjen carro, thino senche caminaa, kiaʼin asiento nchao segantsjenda ko inaa thi rugunda.

NI SIGITHE. Sachrjenda asiento ke te asta thi adelante ngakee plataforma para ni sigithe, o si sixingixin urundachruna thino sinthena. Ni sigithe chunda ke utasinthena saʼo de ke tsexiʼin discurso para jeʼena nchaʼun sábado nduexin. Kainxin ni sigithe chunda ke tsiaʼuna thi ruxemanxina ko thi luntho sigithexina ndakua seʼe.

TUMI KE DAJUNÁ. Anto tsje tumi kuxiʼin para ke nchao tená nthiʼi, thi anto chrjuin te nthaxintaun dundaana, thi anto jian thiʼina ko dukuna kain thi datho ngai video, ko ikaxin thi ncheʼe ke chrjuin jidachrje thi xrathená jai ke nthachiauna icha ngai Jehová. Tumi ke dajunra thengijnana para xengana kain jiʼi ko kai para kainxin xrá ke jiduan nguixin ngataʼa Nunthe. Ko nguixin ngaxiʼin local jiʼi, jii tsje caja thi nchao sekenga tumi. Aro kai, nchao segajun por internet, ngai donate.jw.org. juasaya ixi kainxin thi degajun. Cuerpo Gobernante dechjaantha juasaya ixi kainxin thi degajun ixi Nchixiʼin Dio.

PRIMEROS AUXILIOS. Detjañaʼan ke departamento jiʼi juʼo jii para naa thi tsuenkjiun.

KAIN THI TADITJAAN. Kainxin thi tadigitjaan chunda ke sikaani ngai departamento jiʼi. Si chrujan benchetjaan, dekji dekjee nthi̱ʼa. Kai nchao sikauni xanchinchinchjan ke tadigitjaan. Aro, para ke jiʼi tsueʼan, dekjiuʼo cuidado de xaʼan ntha ko dekantakuaʼantha xan.

THI SUNTHENA. Deganchiaʼantha ke dexraxaun ntha de ni icha. Detjañaʼan ke juʼo nchao segantsjenda thi seʼe ni nchianduintha, ni dekjiuʼo ngai carro o ni dekangikuʼo de Biblia. Degantsjendaʼa asiento si segundaʼa.

SERVICIO VOLUNTARIO. Si dejinaun sencheʼe xrá ngai thi xrathená, dekji ngai Departamento de Información y Servicio Voluntario.

Jiʼi juinchechjian Cuerpo Gobernante de ni testigo de Jehová