LECCIÓN 04
Kensen Dio
Desde are uanto see chujni nchesayeʼena tsje dio aro Biblia tjago ke jii naa Dio “icha jie ke kain dio teʼi” (2 Crónicas 2:5). Kensen mee, ko unda ixi icha jie ke kain dio teʼi. Ngai xrun jiʼi sekangi kexeʼe Dio mee.
1. Kexrein diʼin Dio ko kexrein nuanxina ke jeʼe rinao ke satsuaná
Jehová nchegunda Biblia, para ke satsuaná jeʼe ndachro: “Jaʼan Jehová. Jaña diʼina” (tsjeʼe Isaías 42:5, 8). Ko ngai tha hebreo nombree Jehová ruchro “jeʼe ncheʼe ke sikuʼen” ko jaña tjago tsje ni tangi de xruun, jiʼi ruchro ke Jehová rinao ke satsuaná (Éxodo 3:15). Jehová juincheʼe ke ngaa Biblia jitaxin icha de 7.000 bee nombree.a Ko “Jehová thi thetuʼan ngajni ko ngataʼa Nunthe” (Deuteronomio 4:39).
2. Keʼe ndathjuná Biblia de Jehová
Biblia ndachro ke de kainxin dio ke nchesayeʼe chujni, jii nakuaxinxun Dio ke ndua, yaa Jehová. Unda, jii anto tsje thi tjaguaná. Jehová yaa thi chunda nguixin juachaxin “nguixin ngataʼa Nunthe” (tsjeʼe Salmo 83:18). Jeʼe thi “icha Tsanga”, jiʼi ruchro ke jeʼe nchao sincheʼe kain thi rinao. Kai jeʼe thi juinchechjian, “kain thi jii”: ngai sasendajni ko kainxin thi jii ngataʼa Nunthe (Apocalipsis 4:8, 11). Jehová yaa thi nakuaxinxun Ndo Dio ke jii ko ke seʼe (Salmo 90:2).
TANGI ICHA
Rutsjeʼená unda ixi nombree Ndo Dio ke jeʼo jeʼe Ndo chunda Ndo, jeʼa xrajuʼo de kexrein chunxinxina Ndo. Kai tsanginá kekaa nchegunda Ndo para ke satsuaná kexrein diʼin Ndo ko unda ixi anto renthe jiʼi.
3. Jii anto tsje thi chunxinxina Ndo Dio, aro chunda Ndo naa nombre
Para rutsjeʼená unda jiʼa xrajuʼo ínchi chunxinxina naa chujni ko kexrein diʼin, tsjeʼera VIDEO ko tjaura de jiʼi:
Unda ixi jiʼa xrajuʼo naa nombre ke ínchi chunxinxinina, ínchi ndachro inchina señor.
Biblia ndachro ke chujni nchesayeʼena tsje dio ko tsje señores. Tsjeʼera Salmo 136:1-3 ko tjaura de jiʼi:
Kensen mee thi “Dio de icha dio” ko “Señor de señores”.
4. Jehová rinao ke segatsuan kexrein diʼin ko jaña senichjexin
Jehová rinao ke segatsuan kexrein diʼin, kexrein nuanxina jiʼi. Tsjeʼera VIDEO ko tjaura de jiʼi:
Unda dexraxaun suixin ke Jehová rinao ke segatsuan kexrein diʼin.
Jehová rinao ke chujni runichjexina ínchi jeʼe diʼin. Tsjeʼera Romanos 10:13 ko tjaura de jiʼi:
Unda ixi anto renthe ke runichjexiná Dio ínchi diʼin, Jehová.
Are denichjaxina ínchi degiʼin kexrein dekunuʼa.
Kexrein dexraxaun ke tunuʼen Jehova are suixin denichjexin ínchi diʼin.
5. Jehová rinao ke suixin rukjan naa ni jian ruxrakao
Naa thi icha chrjuin ke tuʼeni ngai videeni yaa tangini kexrein diʼin Ndo Dio jaña ínchi kuʼen naa thi nchrii de rajna Camboya ke diʼin Soten. Tsjeʼera VIDEO ko tjaura de jiʼi:
Ínchi ujuexin bukuna, are Soten ukunuʼen kexrein diʼin Dio, kexrein kuengijna jiʼi.
Para ke segatsuan naa chujni, rugunda sekunuʼan kexrein diʼina. Tsjeʼera Santiago 4:8a ko tjaura de jiʼi:
Keʼe thi runchexruxiʼin Jehová ke suixin ruencheʼe.
Si segatsuan Dio ko senchegunda ínchi diʼin Ndo, a jiʼi sincheʼe ke icha sekuncheʼen ngai Ndo ko unda.
THI XRAXAUN INCHINA: “Si nakua Dio jii nchao sunthugiʼina ínchi jaʼana sinauná”.
A degithikaun ke Dio diʼin Jehová.
Kexrein ruenchekinxin ni icha ke Dio rinao ke runichjexiná ínchi diʼin.
THI KUANGINÁ
Thi nakuaxinxun Ndo Dio ke jii diʼin Jehová. Jeʼe rinao ke satsuaná, ko rinao ke jaña runichjexiná para ke jian ruxrakjiuʼuná.
A xraxaun thi kuangi
Unda Jehová jeʼa xrajeʼo ke thi icha dio ke nchesayeʼe chujni.
Unda chunda ke sundaana ínchi diʼin Dio.
A rinao Jehová ke suixin sexrakjiuʼo, kexrein denuanxin jiʼi.
THJEE ICHA
Naʼun thi nthakianxiná ke jaan jii naa Dio.
Detsjeʼe unda ixi xraxauná ke jaan jii naa Dio.
Detsjeʼe unda chunda ke sundaana ínchi diʼin Ndo Dio maski nuaʼana kexrein ncheleeni.
A renthe ínchi diʼin Dio, detsjeʼe unda ixi ndachruná ke Dio chunda nakua nombre.
a Ngai apéndice A4 ke dikiaʼo Biblia. Traducción del Nuevo Mundo yaa seginchii icha de thi ruchro ínchi diʼin Ndo Dio ko kai segikun unda ixi ngai inchi Biblia tadiginthjiana nombre jiʼi.