LECCIÓN 05
Biblia chunda juajnee Ndo Dio para kainxiná
Jehová chjaaná naa juajni anto jie: Biblia chunda 66 xruun. Aro menxun suixin seganchangi: “De thino juixin Biblia, kensen kji̱n”. Para satheʼená kain thi xranchangi jiʼi, rutsjeʼená kexrein juii juajnee Ndo Dio asta jai nchauana.
1. Si xii kji̱n Biblia, unda ixi ndachruná ke juixin de Dio
Ínchi 40 xii de jejee rajna, ko de jejee xrá, kji̱na Biblia. Kuexinxina kji̱na ngai nano 1513 are xra duaʼan Jesús ko jueʼena kji̱na ngai nano 98 are uguan Jesús. Jiʼi ruchro, ke bikauʼena 1.600 nano para juexina kji̱na. Maski jaña, Biblia jiʼa jejee jichro. Kexrein kuenxin jiʼi. Ixi juixin de Dio (tsjeʼe 1 Tesalonicenses 2:13). Ni xii teʼi kji̱ʼana thi jeʼena xraxauna. Icha jian, “nichjana de Dio ixi nchauʼen Ndo” (2 Pedro 1:21).a Ixi nchauʼen Ndo Dio, yaa thi juinchegunda Ndo para ke ni xii teʼi nchao kji̱na thi jeʼe Ndo xraxaun Ndo (2 Timoteo 3:16).
2. Kexeʼe ni nchao ruchunda Biblia
Chujni de “kainxin rajna, tribu ko tha” nchao tsengijnana thi juajna ke jii ngaa Biblia (tsjeʼe Apocalipsis 14:6). Dio juincheʼe ke Biblia seʼe ngai kainxin tha. Naa de jiʼi yaa ke xrun jiʼi yaa thi xrun icha jii ngai tsje tha. Casi nguixin ngataʼa Nunthe nuʼena keʼe thi ndachro ngaa Biblia, maski kexeʼo rajna tena o tha ke nichjana.
3. Kexrein juincheʼe Jehová para ke bitjaʼan Biblia
Biblia kji̱na nganito inchi thi seʼa tunchrjeʼen. Ínchi rue uxigo ko rue ntha diʼin papiro. Aro binthe ni xii ke anto bathjueʼe Biblia mexinxin kuexiʼina bantsjengana de ngaa jiʼi. Ko maski anto tsjena juinauna rukayakuenana, ichana bithuexina ruge̱ʼena ixi Biblia. Aro Jehová kuanchrjandaʼa ke rugeʼe thi rukayakuen para ke jaʼana rukiʼana juajnee. Biblia ndachro: “The Dio sitjaʼan” (Isaías 40:8).
TANGI ICHA
Tangi kexrein kuengijna Dio chujni para ke kji̱na Biblia. Rutsjeʼená keʼe ncheʼe Dio para ke xrun jiʼi sitjaʼan xrun ko para ke kainxin chujni nchao ruchunda xrun.
4. Biblia ndathjuná de kensen juixin
Tsjeʼera VIDEO. Kuthejan tsjeʼera 2 Timoteo 3:16 ko tjaura de jiʼi:
Si xii kji̱n Biblia, unda ndachruná ke jiʼi Thee Dio.
A jaan nchao ruxraxauná ke Dio juincheʼe ke chujni kji̱na thi jeʼe xraxaun.
Xi najni kuetuʼen xi nchexree ke sinchechjian naa carta, ko thi betaxin yaa thi ndachro xi najni. Jaña kuʼen ngai Biblia chujni kji̱n aro juajna yaa de Dio.
5. Biblia bathukjan tsje thi tángi
Si Biblia thixin de Dio, jaan nchao rundachruná ke jeʼe bayakuʼen xrun. Ngai anto tsje nano tsje xi nchixin juinauna tarunchexanthena Biblia. Ko kai binthe ni bagitauʼen nthiʼa ningo ke juinauʼana ke chujni runcheleena Biblia. Aro, maski anto tsje ni bagingakuʼen ko juinauna rugu̱ena ni kji̱n Biblia, binthe chujni ke juinauna ruge̱ʼena ixi xrun jiʼi. Para ke satsuaná naa de ni teʼi, tsjeʼera VIDEO ko tjaura de jiʼi:
Anchee ke udenuʼa kain thi juincheʼena ixi Biblia, a icha dejinao senchelee, unda.
Tsjeʼera Salmo 119:97 ko tjaura de jiʼi:
Unda ixi tsje chujni dithuexina se̱ʼena para ke suan traducido ko ruchjeeya icha Biblia.
6. Naa xrun para kainxin chujni
Desde uanto see Biblia yaa naa de thi xrun icha dinchetraducina ko icha dichjeeya. Tsjeʼera Hechos 10:34, 35 ko tjaura de jiʼi:
Unda ixi rinao Dio ke Thee Ndo suan traducido ngai tsje tha ko ruchjeeya ngai tsje rajna.
Keʼe thi icha nthaxruxiʼan de Biblia.
Ínchi naa
100%
de chujni ke jii nguixin ngataʼa Nunthe
nchao ncheleena Biblia ngai naa tha ke thinxina
Ko ujii xrun ngai icha de
3.000
tha,
ngui xrun o riuka xrun
5.000 millón
Chian jaña tsjexin Biblia udigachrje.
Jiʼi naa de xrun icha tsje digachrje ke kexeʼo inaa xrun
THI XRAXAUN INCHINA: “Biblia yaa juʼo naa xrun ke usee dikji̱n xii”.
Keʼe dexraxaun suixin.
Keʼe tjago ke Biblia yaa Thee Dio.
THI KUANGINÁ
Biblia yaa Thee Dio, ko jeʼe Ndo bayakuʼen Ndo para ke kainxin chujni nchao ruchundana naa Biblia.
A xraxaun thi kuangi
Keʼe ruchro ke Dio juinchegunda chujni para ke kji̱na Biblia.
Keʼe icha denthagiseʼen de kain thi batho Biblia. Ko keʼe nchao ruendachro de kexrein tsjexin thi udiguan traducido ko udichjeeya.
Kexrein dekunuʼan ixi kainxin thi juincheʼe Jehová para denichjaʼa.
THJEE ICHA
Detsjeʼe kexrein kuexinxina kji̱na Biblia: desde manuscrito ko asta jai nchauana.
Detsjeʼe kexrein Biblia kuixiʼin bathukjan nii thi tángi.
“La Biblia. Una historia de supervivencia” (La Atalaya, núm. 4 2016)
Detsjeʼe kexrein tángixin batho inchi chujni para ke juinchetraducina Biblia.
Jii anto tsje copia ko traducción de Biblia. Kexrein denuanxin ke juajnee Ndo Dio dixingixiʼan.
“¿Se ha cambiado o manipulado la Biblia?” (Artículo de jw.org)
a Espíritu santo yaa thi tsangaxin Dio, jiʼi ruchro, thi nchexin kain, ínchi ndachro ngai lección 07.