LECCIÓN 08
Suixin nchao sexrakjiuʼo Jehová
Jehová rinao ke segatsuan. Unda. Ixi jeʼe Ndo chuʼen Ndo ke are segatsuan kexrein chrjuinxin nuʼen Ndo, thi ncheʼe Ndo ko thi nandaʼa sincheʼe Ndo jiʼi sincheʼe ke icha sejinao sexrakjiuʼo Ndo jian. Aro, a na ko jaan nchao sexrakjiuʼo Ndo jian (tsjeʼe Salmo 25:14). Keʼe chunda ke sencheʼe para ke jiʼi jaan tsuʼen. Biblia datheʼe jiʼi ko kai ndathjuná unda ixi thi jian ruxrakauni Jehová jiʼi naa thi icha renthe.
1. Keʼe denthanthuxiʼan Jehová
“Tuncheʼera ngai Dio ko jeʼe tsunchee ngajira” (Santiago 4:8). Keʼe ruchro jiʼi. Ke Jehová nthathuxiana ke jian ruxrakjiuʼuná. Aro tena tángi tunuʼena sincheʼena jiʼi ko icha ixi dikuʼana Ndo. Aro jeʼe Ndo chjaaná Ndo Biblia, ko ngaa yaa jitaxin kain thi jaʼana sinauná tsunuana de jeʼe Ndo. Are nthuleena Biblia jiʼi ncheʼe ke icha tunsuji thi xrakjiuʼuná Ndo maski dukuʼana Ndo.
2. Unda ixi juʼo Jehová thi icha jian ruxrakjiuʼuná
Juʼo Jehová thi icha dejinao. Jeʼe rinao ke jian sekjiʼa ko ke sechaʼa ko are segundaʼa, sekjee. Nchao sendache kainxin juachjaun ke dechunda ixi jeʼe taxin juachjaun ixi suixin (1 Pedro 5:7). Jehová yaa jii Ndo para thengijna Ndo nchesuji Ndo ko thiʼin Ndo ni jian xrakao Ndo (tsjeʼe Salmo 94:18, 19).
3. Keʼe chuʼen Jehová de ni jian xrakao
Jehová thjueʼe kainxin chujni, aro “xrakao jian thi ni ndakua ncheʼe” (Proverbios 3:32). Jehová chuʼen ke ni jian xrakao sincheʼena thi ndakua jii ko sincheʼana thi ndakuaʼa jii. Inchina xraxauna ke chruʼa sincheʼena ínchi chuʼen Jehová de jeʼena. Aro jeʼe thianxianá ko dayee kainxin thi ni denduaxin thjueʼe ko asta nuinka ncheʼena de sincheʼena thi ndachro (Salmo 147:11; Hechos 10:34, 35).
TANGI ICHA
Tsanginá kexrein nchao ruxrakjiuʼuná Jehová ko unda ixi jeʼe thi icha nchao ruxrakjiuʼuná.
4. Abrahán kjui naa ni jian baxrakao Jehová
Thi thekin Biblia de Abrahán (ke kai diʼin Abrán) ndathjuná keʼe ruchro thi jian ruxrakauni Dio. Tsjeʼera thi nichja de Abrahán ngai Génesis 12:1-4 ko tjaura de jiʼi:
Keʼe banchia Jehová ngai Abrahán.
Keʼe ndachro Jehová ke runcheʼe ixi jeʼe.
Keʼe juincheʼe Abrahán are Jehová juexin kuetuʼen Ndo keʼe thi runcheʼe.
5. Thi Jehová danchieʼe ni jian xrakao
Jii naa thi chuʼená de kainxin ni jian xrakjiuʼuná.
Keʼe dechuʼen suixin de naa ni jian dexrakjiuʼo.
Tsjeʼera 1 Juan 5:3 ko tjaura de jiʼi:
Keʼe chuʼen Jehová de ni jian xrakao.
Para suthikauná Jehová, chunda ke sasengixiná kexrein nthuʼuna. Tsjeʼera Isaías 48:17, 18 ko tjaura de jiʼi:
Unda ixi danchieʼe Jehová ni jian xrakao ke sasengixina thi ncheʼena.
Naa ni jian xrakjiuʼuná ndathjuná keʼe sunthuʼuna para ke xruʼin tsuana ko jian tsjiʼana. Jehová jaña ncheʼe ngai ni jian xrakao.
6. Thi ncheʼe Jehová ixi ni jian xrakao
Jehová thengijna ni jian xrakao are detana thi tángi. Tsjeʼera VIDEO ko tjaura de jiʼi:
Kexrein kuengijna Jehová thi nchrii de video para ke basengixin thi bakunuʼen ko thi baxraxaun.
Tsjeʼera Isaías 41:10, 13 ko tjaura de jiʼi:
Keʼe ndachro Jehová ke sincheʼe ixi ni jian xrakao.
A dexraxaun ke Jehová yaa naa ni jian ruxrakauni. Unda.
Ni jian xrakjiuʼo denduaxin yaa sinthena are icha segundaʼa. Jehová xrajuʼo ncheʼe ixi suixin.
7. Chunda ke runichjeená Jehová para ke jian ruxrakjiuʼuná
Are icha nichjeená ni jian xrakjiuʼuná icha chrjuin xrakjiuʼunana. Tsjeʼera Salmo 86:6, 11 ko tjaura de jiʼi:
Kexrein nchao runichjeená Jehová.
Kexrein nichjaaná Jehová.
Jaʼana nichjeená Jehová kunixin thenchaun, ko jeʼe Ndo nichjaaná Ndo kunixin Biblia.
THI XRAXAUN INCHINA: “Chruʼa ruxrakjiuʼuná Dio”.
Keʼe texto nchao sunthugundana para ke tsjaguná ke jaan nchao ruxrakjiuʼuná Jehová.
THI KUANGINÁ
Jehová rinao ke jian sexrakjiuʼo ko jeʼe tsengijnantha para ke sekuncheʼentha ngai.
A xraxaun thi kuangi
Kexrein thengijna Jehová ni jian xrakao.
Unda ixi ndache Jehová ni jian xrakao ke sasengixina thi ncheʼena.
A dexraxaun ke anto tsje danchieʼe Jehová ni jian xrakao. Unda ixi jaña dexraxaun.
THJEE ICHA
Kexrein tsjianá si ruxrakjiuʼuná Dio.
“Jehová, un Dios que vale la pena conocer” (La Atalaya, 15 de febrero de 2003)
Thinthueʼa de xrakjiuʼo Dio.
Detsjeʼe unda ixi naa thi nchrii ndachro ke ixi thi jian xrakao Jehová jiʼi anto kuengijna.
Dekiʼin thi ndachro inchi xaxii de Jehová.