LECCIÓN 10
Unda ixi anto renthe ke ruxrathentha ngai ni testigo de Jehová
A chrujan bee bexrathe ngai ni testigo de Jehová. Si xra ninaa bee bekjiʼa, menxun asta dexraun sekji. Ko menxun seganchangi: “Keʼe ncheʼe ni testigo de Jehová are xrathena. Unda ixi para jeʼena jiʼi anto renthe. A ko nchao tsji jaʼan kai”. Ngai lección jiʼi sekangi ke are sexrathe ngajiná jiʼi sekengijna para ke icha jian segatsuan ko sexrakjiuʼo Dio.
1. Unda ixi xrathená
Naa ni kji̱n Biblia ndachruna unda chunda ke ruxratheni: “Are xratheni nchesayeʼeni Jehová” (Salmo 26:12). Jai nchauana, ni testigo de Jehová kai xrathena, ko jiʼi ncheʼe ke anto cheena. Nguixin ngataʼa Nunthe, xrathena para nchesayeʼena Dio, tsjentheʼena Ndo ko dakeʼena thenchaun. Ko kai xrathe tsjena, nii bee ixi nano para nchesayeʼena Dio.
2. Keʼe sekangi are sexrathe ngajiná
Are xrathená tanginá de ngaa Thee Ndo Dio, ko nthiʼa thianxiná jian keʼe thi ndachro (tsjeʼe Nehemías 8:8). Si suixin sekji, sekangi icha de Jehová ko kexrein chrjuinxin nuʼen. Ko are suixin sekangi kexrein thjuaxiná Ndo, icha sejinao sexrakjiuʼo Ndo. Ko sekangi kexrein jeʼe, jiʼi sekengijna para ke kain thi sencheʼe ndakua sachrje (Isaías 48:17, 18).
3. Kexrein sekengijna ni segatsuan are sexrathe ngajiná
Jehová danchianá “ke rutsjeʼe chuuná naana ko inaana para ke jaña ruthjueʼe chuuná ko sunthuʼuna thi jian ixi ni icha, aro tsinthueʼaná de ruxrathená” (Hebreos 10:24, 25). Are sexrathe, segatsuan chujni ke denduaxin thjueʼe chuuna ko, jaña xraa suixin, kai rinauna tsangina icha de Dio para ke icha tsunchiauna ngai Ndo. Kai nthiʼa sekiʼin thi datheʼena ke dachrjexin de ngaa Biblia (tsjeʼe Romanos 1:11, 12). Kai nchao senichjeʼe ni xrajuʼo te ko ni tekaʼo chuo ko sekiʼin keʼe thi jeʼena ncheʼena para dathujina kainxin chijni ke detana. Jiʼi juʼo inchi thi ndachro Jehová ke rinao ke tsinthueʼaná de ruxrathená.
TANGI ICHA
Rutsjeʼená keʼe ncheʼe ni testigo de Jehová are xrathena ko unda ixi asta nuinka sincheʼeni para ruxratheni.
4. Are xrathe ni testigo de Jehová
Ngai siglo saʼo, baxrathena para banchesayeʼena Jehová (Romanos 16:3-5). Tsjeʼera Colosenses 3:16 ko tjaura de jiʼi:
Kexrein banchesayeʼena Jehová are saʼo.
Jai, ni testigo kai xrathena para nchesayeʼena Dio. Ko para sekunuʼa icha keʼe ncheʼena are xrathena, tsjeʼera VIDEO. Kuthejan tsjeʼera dibujo de naa thi dixrathena ko tjaura de jiʼi:
A xrajuʼo thi ncheʼe ni testigo ngai naa nchia xrathexina ko thi ndachro Colosenses 3:16.
Are begikun video ko dibujo, keʼe thi benthaxruxiʼan ke nthaʼaná are xrathená.
Tsjeʼera 2 Corintios 9:7 ko tjaura de jiʼi:
Unda ixi danchiaʼa ni testigo de Jehová tumi are xrathena.
Tsjeʼera keʼe thi tsanginá ngaa semana jiʼi.
De thi juexin tsjeʼera keʼe thi icha renthe o icha benthaxruxiʼan.
A benuʼan
Ngai jw.org nchao seginchii kesa ko thino xrathe ni testigo de Jehová nguixin ngataʼa Nunthe.
Ngai thi xrathená datho discurso, inchi video ko xrago kexrein sincheʼeni. Kainxin jiʼi thexinxin ko thjexinxin kunixin naa suun ko thenchaun.
Ngai inchi parte de reunión nchao segatheʼe inchi thi xranchangi.
Kainxiná nchao tsjiná: xii, nchrii, ni ujunchjan ko xanchinchin. . .
Ngai thi xrathe ni testigo de Jehová xruʼin xengana. Senganchiaʼanthana tumi ko xruʼin sekjengana are segixiʼin.
5. Rugunda ke asta nuinka sincheʼeni para ke ruxratheni
Ruxraxauná inchi ngai ni nchianduʼa Jesús ni teʼi binthena Nazaret ko, para ke rukjina kainxin nano ngai templo ke beʼe ngai Jerusalén, banchecaminana nii nchaʼun ngagaʼa jna. Tsjeʼera Lucas 2:39-42 ko tjaura de jiʼi:
Para ke rugijina Jerusalén, a jaan rugunda ke asta nuinka runcheʼena.
Mee suixin, keʼe thi tángi chunda ke segatho para ke nchao sexrathe ngajiná.
De kainxin jiʼi, a chrujan naa thi jian sekiauʼa ko unda.
Anto renthe ruxratheni para sinchesayeʼeni Jehová. Tsjeʼera Hebreos 10:24, 25 ko tjaura de jiʼi:
Unda ixi tsinthueʼaná de ruxrathená.
THI XRAXAUN INCHINA: “Rugundaʼa ruxratheni ngai naa grupo para sinchesayeʼeni Ndo Dio. Jeʼeni tsincheʼeni thi religión ruxratheni”.
Keʼe texto o ejemplo ke jii ngai Biblia nthakianxiná, keʼe chuʼen Jehová ke sunthuʼuna.
THI KUANGINÁ
Thi xratheni jiʼi tsengijnani para ke icha tsangini de Jehová, ko sinchesujini thi xrakao ni Ndo ko sinchesayeʼeni Ndo ngai ni icha.
A xraxaun thi kuangi
Unda nthathuxianá Jehová ke ruxrathená.
Keʼe sekangi are sexrathe ngai ni testigo de Jehová.
Keʼe inaa thi nchao sekengijna are sexrathe ngajiná.
THJEE ICHA
A dexraun are dekiʼin ke chunda ke sekji sexrathe. Naa thi xii kai jaña kunuʼen aro jai anto nchexruxiʼin are xrathená. Detsjeʼe ixi unda.
Degatsuan naa xaxii ke anto banchexruxiʼin xan baxrathe xan ko detsjeʼe kekaa juincheʼe xan para kuinthueʼa xan de xrathe xan.
Denchelee thi xraxaun ichana de thi xratheni.
“¿Por qué estaría bien ir a las reuniones en el Salón del Reino?” (Artículo de jw.org)
Detsjeʼe kexrein tabixingixin videe naa thi xii ke beʼe ngai naa pandilla are kuexiʼin xrathe ngai ni testigo de Jehová.
“No iba a ningún lado sin mi arma” (La Atalaya, 1 de julio de 2014)