LECCIÓN 12
Keʼe sekengijna para ke sekinthueʼa de sekangi de Biblia
Tangini de Biblia jiʼi xraa are satjini de viaje. Ko thi ndua ke jiʼi yaa jaan tángi. Te bee menxun seganchangi, a na ko jaan xraa nchao tsangi de Biblia. A ko renthe ke tsinthuaʼa de sinthaʼa jiʼi. Keʼe sekengijna para ke sekinthueʼa de sekangi maski segetan tsje chijni.
1. Unda anto renthe ke tsanginá de Biblia
“Thee Dio jichun ko chunda juachaxin” (Hebreos 4:12). Biblia jiʼi naa xrun anto renthe ixi jichunda thi xraxaun Dio ko thi tunuʼen Ndo ixi jaʼana. Xrun jiʼi jiʼa juʼo sekengijna para ke sekunuʼa icha, kai para ke sekincheʼe jian keʼe thi sencheʼe ko para ke sechunthia thi nandaʼa tsii. Ko thi icha renthe yaa ke Biblia sekengijna para ke icha jian sexrakjiuʼo Jehová. Are icha senchelee Biblia, icha sekengijna para ke icha jian sekjiʼa.
2. Unda suthikauna ke thi ndua ke tjago Biblia yaa anto renthe
Thi ndua ke tjago Biblia jiʼi xraa naa tesoro ke anto renthe. Biblia ndathjuná: “Thena thi ndua ko nchekjiʼa” (Proverbios 23:23). Si rutjañaʼaná ke thi jii ngai Biblia anto renthe, jiʼi sincheʼe ke asta nuinka sunthuʼuna para ke tsinthueʼaná de tsanginá maski sutana thi tángi (tsjeʼe Proverbios 2:4, 5).
3. Keʼe sincheʼe Jehová ixi suixin para ke sekinthueʼa de sekangi
Jehová juinchechjian kainxin thi jii, ko jeʼe thi jian sexrakjiuʼo, dechunxin jian ko rinao sekengijna para ke sekangi icha de jeʼe. Dio nchao sincheʼe ke suixin “sejinao ko senthasuji para sencheʼe jiʼi” (tsjeʼe Filipenses 2:13). Si te bee suixin degundaʼa ke sekengijnanthana para ke sekangi o sencheʼe thi retangi, jeʼe thi tsengijnantha. Ko, si rugundaʼantha ke sekengijnanthana para sathujintha naa chijni o kexeʼo inaa, jeʼe sekengijna. Dekinthueʼa de deganchieʼe Jehová ke sekengijna para sekangi de Biblia (1 Tesalonicenses 5:17).
TANGI ICHA
Rutsjeʼená keʼe nchao sencheʼe para ke sekinthueʼa de sekangi de Biblia maski seʼe ni sekayakuʼan o anto tsje xrá segarichunda. Kuthejan rutsjeʼená kexrein sekengijna Jehová para ke sekinthueʼa de sekangi.
4. Ke thi sekangi de Biblia jiʼi seʼe saʼo para suixin
Te bee anto tsje xrá chundani ke tángi tunuʼeni santsjendani tiempo para tsangini de Biblia. Keʼe nchao sincheʼeni. Tsjeʼera Filipenses 1:10 ko tjaura de jiʼi:
Para suixin, “keʼe thi icha renthe”.
Keʼe nchao sencheʼe suixin para ke are sekangi de Biblia jiʼi seʼe saʼo para suixin.
Si sekengachjian nchise ngai naa bote kuthejan sekengachjian inchi xro, siraʼa singachjian xro.
Aro, si saʼo sekenga xro, jaan sithja are usekenga nchise. Xrajuʼo jaña si saʼo segakeʼe “thi icha renthe” ngai kexeʼo thi sencheʼe, nchao senchexethja jiʼi ko asta ruxaʼantha tiempo para ni icha.
Tsangini de Biblia jiʼi thengijnaná para thi rungundaana espiritualmente, jiʼi ruchro, ke rugundaana satsuaná Ndo Dio ko sunthusayeʼena. Tsjeʼera Mateo 5:3 ko tjaura de jiʼi:
Si para jaʼana thi tangini de Biblia jiʼi thi icha renthe, kexrein tsengijnaná.
5. Dekinthueʼa maski ni icha suñauna
Te bee sinthe ni sendathjun ke sekinthuʼe de sekangi de Biblia. Detsjeʼe ke bincheʼe naa xaxii diʼin Francesco. Tsjeʼera VIDEO ko tjaura de jiʼi:
Kexrein batheʼe ni nchiandua ko ni jian baxrakao Francesco are ndachro keʼe thi jeʼe jitangi.
Keʼe thi jian jiauʼe ixi kuinthueʼa de kuangi.
Tsjeʼera 2 Timoteo 2:24, 25 ko tjaura de jiʼi:
Keʼe xraxaun ni nchianduintha ko ni jian dexrakjiuʼo de thi suixin retangi.
Ínchi ndachro versículo teʼi, keʼe sencheʼe suixin are naana sendathjuna ke i sekangiʼa de Biblia ko unda.
6. Dechunthia ke Jehová sekengijna
Are icha tunsunji thi jian xrakjiuʼuná Jehová, icha ndachro sinthuʼuna ke ruchee Ndo. Aro, menxun te bee tángi sekunuʼa segasenxin inchi thi rencheʼe para segithikuan Ndo. Si chrujan bee jaña sekunuʼa, degarichiʼan Jehová sekengijna. Tsjeʼera VIDEO ko tjaura de jiʼi:
Ínchi bukuna ngai video, kekaa basengixin Jim para juincheʼe thi thetuʼan Jehová.
Keʼe thi icha benthagisen de video jiʼi.
Tsjeʼera Hebreos 11:6 ko tjaura de jiʼi:
Keʼe sincheʼe Jehová ixi thi ni xraka ngai jeʼe para satsuana ko sinchesayeʼena Ndo.
Kexrein dexraxaun ke tunuʼen Jehová ke suixin tanuinka dencheʼe para retangi de ngaa Biblia.
THI DANCHANGI INCHINA: “Unda ixi ritangi de ngaa Biblia”.
Keʼe ruegatheʼe.
THI KUANGINÁ
Jaan tángi tsangini de Biblia, aro maski jaña jiʼi sekengijna para ke jian sekjiʼa. Si dechunthia ngai Jehová, jeʼe sekengijna.
A xraxaun thi kuangi
Unda dencherenthe suixin thi ndua ke tjago Biblia.
Anche ke udenuʼan “keʼe thi icha renthe”, keʼe chunda ke sencheʼe suixin.
Unda chunda ke senganchieʼe Jehová ke sekengijna para ke sekinthueʼa de sekangi de ngaa Biblia.
THJEE ICHA
Tsjeʼe nuo thi thengijna tsjena ke nchegundana jian tiempoena.
“Cómo invertir sabiamente el tiempo” (¡Despertad!, febrero de 2014)
Naa thi nchrii juinao rugithikaun thi thetuʼan Dio, are xixiʼi bakinxiʼan kain thi jeʼe bancheʼe. Detsjeʼe kexrein Jehová kuengijna.
Detsjeʼe kain thi juincheʼe naa thi nchrii para ke kuengijna xixiʼi.
Ndachruna ke ni testigo de Jehová nchexanthena familia. A ndua jiʼi.
“¿Separan los testigos de Jehová a las familias, o las unen?” (Artículo de jw.org)