LECCIÓN 46
Unda ruxrajuná sunthuʼuna xree Jehová ko sigithená
Are naa chujni xrajun sincheʼe xree Jehová, ndache Ndo ngai naa thenchaun ke juʼo jeʼe Ndo sinchesayeʼe ko thi icha sincherenthe yaa sincheʼe thi sinao Ndo Dio (Salmo 40:8). Kuthejan, are udigithe, tjague ni icha ke uxrajun sincheʼe xree Dio. Are xrajuná sunthuʼuna xree Jehová yaa thi icha renthe thincheʼená. Ko anto renthe ke dasengixin kexrein nthuʼuna. Keʼe nchao sekengijna para sencheʼe jiʼi.
1. Keʼe ncheʼe ke ruxrajuná sunthuʼuna xree Jehová
Thi ncheʼe ke ruxrajuná sunthuʼuna xree Jehová yaa ixi thjueʼená Ndo (1 Juan 4:10, 19). Biblia ndathjuná: “Thjueʼe Jehová Ndo Diua kunixin nguixin ansaan, kunixin nguixin jaʼa, kunixin nguixin juaxraxauan ko kunixin nguixin thi tsangaxin” (Marcos 12:30). Nchao dikuni ngai thi ndachruná ko ngai thi nthuʼuna kexrein thjuexiná Jehová. Jaña xraa yuo ni tjao chuo ke anto thjueʼe chuuna thincheʼena tatsutheʼena, kai are jaʼana thjueʼená Jehová thincheʼená ruxrajuná sunthuʼuna xree ko digithená.
2. Kexrein nchenchaun Jehová ni udigithe
Are suixin segithe, tasekjan naa de ni nchianduʼa Jehová. Kai segikun kexrein dethjuaxin Dio ko sekunuʼan icha chiaun de jeʼe Ndo (tsjeʼe Malaquías 3:16-18). Ko jiʼa juʼo Jehová tarukjan Ndudaantha, kai sarichundantha ni chuuntha nguixin ngataʼa Nunthe ke thjueʼena Dio ko kai suixin (tsjeʼe Marcos 10:29, 30). Aro saʼo de segithe, suixin chunda ke sencheʼe inchi thi rugunda. Chunda ke segatsuan Jehová, sethjueʼe Ndo ko sekjago ke dechunthia ngai Xeʼen Ndo. Ko inaa thi icha renthe, chunda ke sendache Jehová ke sexrajun sencheʼe xree Ndo. Si sencheʼe kain jiʼi ko kuthejan segithe, suixin nchao segarichun anto see. Thee Dio ndachro: “Thi digitheni [. . .] jai kai jithengijnara para ke se̱ʼanra” (1 Pedro 3:21).
TANGI ICHA
Rutsjeʼená unda ixi anto renthe ke suixin sexrajun sencheʼe xree Jehová ko segithe.
3. Kainá chunda ke tsincheʼená kensen sunthusayeʼená
Are saʼo ngai rajna Israel, inchina baxraxauna ke nchao runchesayeʼena Jehová ko kai thi dio nduaʼa biʼin Baal. Aro ndakuaʼa baxraxauna. Mexinxin Jehová rua̱ʼan profeta Elías para juinchegikuna ke nchauʼa beʼe thi baxraxauna. Tsjeʼera 1 Reyes 18:21 ko tjaura de jiʼi:
Keʼe chunda ke kuincheʼe ni israelita.
Jaña xraa ni israelita, jaʼana kai chunda ke tsincheʼená kensen sunthusayeʼena. Tsjeʼera Lucas 16:13 ko tjaura de jiʼi:
Unda chruʼa sunthusayeʼena Jehová ko kai inaa dio.
Kexrein nchao tsjaguexiná Jehová ke kuincheʼená sunthusayeʼena jeʼo jeʼe.
4. Dexraxaun kexrein dethjuaxin Jehová
Jehová uchjaaná tsje juajni anto renthe. Aro keʼe nchao ruchjeená jaʼana. Tsjeʼera VIDEO.
Kexrein bekjaguʼa Jehová ke anto thjuaʼantha. Tsjeʼera Salmo 104:14, 15 ko 1 Juan 4:9, 10, ko tjaura de jiʼi:
De kainxin juajni ke Jehová chjaaná, kexeʼe thi icha dencherenthe.
Are dexraxaun ngai juajni teʼi, keʼe dekunuʼan ixi jeʼe Ndo.
Are naana chjaanána naa juajni ke anto nthaxruxiana, rinauná ke tsunuʼena ke anto teuxruxiʼinána. Tsjeʼera Deuteronomio 16:17 ko tjaura de jiʼi:
Are degariʼi dexraxaun ngai kain thi chjaantha Jehová, a suixin kai dejinao sechjeʼentha naa juajni. Ínchi keʼe ruegajun.
5. Are xrajuni sincheʼeni xree Dio dayeeni anto tsje juajni
Tsje chujni xraxauna ke si tsufamosona, ruchundana naa carrera o tsje tumi jiʼi sincheʼe ke rucheena. Aro, a ndua jiʼi. Tsjeʼera VIDEO ko tjaura de jiʼi:
Maski thi chuuná dikuni ngai video anto banchexruxiʼin fútbol, unda takuinthuʼe.
Jeʼe kuincheʼe xrajun juincheʼe xree Jehová ko jiʼa nguxun rutsuntaun fútbol. A dexraxaun ke ndakua kuincheʼe. Unda.
Saʼo de rukji cristiano, apóstol Pablo bechunda naa carrera anto jian. Ixi jeʼe kuangi ngai naa xi bakjago de ley judía ke anto bechunxina tiempo mee. Aro kain jiʼi takuinthuʼe para kjan cristiano. A ko juincheniʼi. Tsjeʼera Filipenses 3:8 ko tjaura de jiʼi:
Unda ndachro Pablo ke kainxin thi juincheʼe saʼo de rukji cristiano jiʼi xraa “juxun kaxineno”.
Keʼe bacha ixi kain thi takuinthuʼe.
A dexraxaun ke icha jian sekjiʼa si senchesayeʼe Jehová. Unda jaña dexraxaun.
Are Pablo takjan cristiano, bacha icha tsje ke kain thi tabinchetjan.
THI XRAXAUN INCHINA: “Xruʼin keʼe santsjaa si ruxrajuna sinthaʼa xree Dio”.
A dexraxaun ke jaan renthe sexrajun sencheʼe xree Jehová. Unda.
THI KUANGINÁ
Ixi thjueʼená Jehová jiʼi ncheʼe ke ruxrajuná sunthuʼuna xree ko sigithená.
A xraxaun thi kuangi
Unda juʼo Jehová jikininxin ke ruthjueʼená kunixin nguixin ansaana ko sunthusayeʼena.
Kekaa juajni dajun Jehová ngai ni ubigithe.
A ruenthaxruxiʼan sexrajun sencheʼe xree Jehová.
THJEE ICHA
Detsjeʼe unda naa nchri tsje̱ suun ko naa xi batsuntaun kuincheʼena xrajuna tencheʼena xree Jehová.
Detsjeʼe icha thi nthagikuná unda chunda ke ruxrajuná sunthuʼuna xree Jehová.
“¿Por qué hay que dedicarse a Jehová?” (La Atalaya, 15 de enero de 2010)
Detsjeʼe ngai video dikiaʼo suun kexrein chexin thi ni xrajun ncheʼe xree Jehová.
Denchelee unda ixi naa thi nchrii tabasengixin keʼe thi icha bancherenthe. “Durante años me pregunté para qué estamos aquí”.
“La Biblia les cambió la vida” (La Atalaya, 1 de noviembre de 2012)