LECCIÓN 51
Kexrein sunthuʼuna para ke Jehová sinchexruxiʼin kexrein nichjaná
Are Jehová juinthachjianá, chjaaná naa juajni anto chrjuin: ke nchao nichjaná. A ncherenthe Ndo kexrein nthugundana juajni jiʼi. ¡Jaan! (Tsjeʼe Santiago 1:26). Mexinxin, kexrein nchao sundaana juajni jiʼi para ke Jehová sinchexruxiʼin.
1. Kexrein nchao sundaana jian juajni chjaaná Jehová
Biblia ndathjuná: “Thinthueʼara de thengijna chuura ko nchesuji chuura naara ko inaara” (1 Tesalonicenses 5:11). A denuʼan de chrujan ni rugundeʼe tsunsuji. A nchao sencheʼe suixin ke chrjuin tsunuʼen. Dendache chujni mee ke dencherenthe thi ncheʼe. Menxun nchao sendache kekaa thi jian degikun de jeʼe. A dexraxaun chrujan texto ke nchao tsengijna naa ni dechunxin. Jii anto tsje texto. Kai, detjañaʼa ke jiʼa juʼo thi sendachro tsengijnana, kai kexrein sendachro. Mexinxin tanuinka dencheʼe para ke tachrjuin senichjeʼena (Proverbios 15:1).
2. Keʼe thi chundaʼa ke runichjaná
Biblia ndachro: “Ke sachrjexiʼan de ngai ruʼara thi jiaʼan nichjani” (tsjeʼe Efesios 4:29). Jiʼi ruchro ke tsengaʼaná reka ko rundachruʼaná thi sincheniʼi ni icha o sinchenunthena. Kai, chundaʼa ke tsekiná chisme o sunthuchjieʼena mentira ni icha (tsjeʼe Proverbios 16:28).
3. Keʼe tsengijnaná para ke runichjaná juʼo thi jian
Tsje bee, thi ndachruná tjago keʼe jii ngai juaxraxauana ko ngai anseana (Lucas 6:45). Mexinxin chunda ke tsanginá ruxraxauná ngai thi nchao jii, jiʼi ruchro, ngai thi jian jii, ngai thi thjua, ngai thi jikininxin sunthugangina ko ngai thi sincheʼe ke tsjaguná thi thjueʼeni (Filipenses 4:8). Para nchao sunthuʼuna, chunda ke tsincheʼená jian keʼe duanxiná entretenido ko tsjeená ni jian ruxrakjiuʼuná ke ndakua ncheʼe (Proverbios 13:20). Kai anto renthe ke ruxraxauná saʼo de runichjaná. Degariʼi dexraxaun kexrein tsunuʼen ni tsiʼin thi sendachro. Biblia ndachro: “Thi nichjakuakani yaa xraa are thintuni naa espada, aro thi ndachro ni sabio nchexrueʼen thi dikuniʼi” (Proverbios 12:18).
TANGI ICHA
Rutsjeʼená kexrein nchexruxiʼin Jehová ke runichjaná ko ke jiʼi sinchesuji ni icha.
4. Detsjeʼe kexrein denichja
Kainxiná te bee nichjakuakaná aro, kuthejan chrjuiʼan tunuana ixi thi ndachruná (Santiago 3:2). Tsjeʼera Gálatas 5:22, 23 ko tjaura de jiʼi:
Para ke icha jian setsjeʼe kexrein denichja ko keʼe dendachro, kexeʼe de cualidad teʼi rueganchieʼe Jehová. Kexrein nchao sekengijna cualidad jiʼi.
Tsjeʼera 1 Corintios 15:33 ko tjaura de jiʼi:
A chunda ke sikun ni jian dexrakjiuʼo ko thi deguanxin entretenido ngai kexrein denichja. Kexrein.
Kekaa chunda ke sikun ngai kexrein denichja.
Tsjeʼera Eclesiastés 3:1, 7 ko tjaura de jiʼi:
Kesa are icha nchao tarutenkuani o tsjeeni kesa are icha nchao runichjani.
5. Denichja thi jian de ni icha
Kexrein nchao sunthuʼuna para rundachruʼaná thi sincheniʼi ni icha. Tsjeʼera VIDEO ko tjaura de jiʼi:
Unda juinao thi chuuná dikuni ngai video rugasengixin kexrein banichja de ni icha.
Kexrein juincheʼe.
Tsjeʼera Eclesiastés 7:16 ko tjaura de jiʼi:
Keʼe chunda ke ruxraxauná si sitaʼaná runichjaná thi jiaʼan de inaana.
Tsjeʼera Eclesiastés 7:21, 22 ko tjaura de jiʼi:
Are chrujan ni rundachro naa thi jiaʼan de suixin, a nchao tsengijnantha versículo teʼi para seguñauʼan. Unda.
6. Tachrjuin denichjeʼe ni nchiandui
Jehová rinao ke tachrjuin runichjeená ni nchiaduina. Tsjeʼera VIDEO ko tjaura de jiʼi:
Keʼe sekengijna para ke tachrjuin senichjeʼe ni nchiandui.
Tsjeʼera Efesios 4:31, 32 ko tjaura de jiʼi:
Kexrein chunda ke runichjee chuuni ngai nchia para ke tachrjuin ruxrakao chuuni.
Jehová bandachro thi bakunuʼen ixi Xeʼen, Jesús. Tsjeʼera Mateo 17:5 ko tjaura de jiʼi:
Kexrein nchao sencheʼe xraa Jehová are senichjeʼe ni nchiandui.
Dekjee kexrein sendache ni icha thi jian tencheʼena.
THI XRAXAUN INCHINA: “Jaʼan ndachrjan thi xraxaʼun. Si ni icha nchexruxiʼana yaa ujeʼena”.
A jaña dexraxaun suixin kai. Unda.
THI KUANGINÁ
Thi ndachruná nchao tsengijna o sincheniʼi ni icha. Chunda ke sunthena ruxraxauná ngai keʼe rundachruná, kesa rundachruná ko kexrein rundachruná.
A xraxaun thi kuangi
Kexrein nchao senchegunda thi dendachro para sekengijna ni icha.
Kexrein chundaʼa ke runichjaná.
Keʼe tsengijnaná para ke runichjaná thi jian de ni icha.
THJEE ICHA
Keʼe tsengijnaná para ke runichjaná thi jian de ni icha.
Detsjeʼe keʼe nchao sekengijna para ke i sekengaʼa reka.
“¿Qué problema hay en decir malas palabras?” (Artículo de jw.org)
Detsjeʼe keʼe sekengijna para ke sekekiʼan chisme.
Denchelee kexrein Jehová kuengijna naa thi xii para ke kuinthuʼe de bakenga reka.
“Comencé a pensar en el rumbo que estaba tomando mi vida” (La Atalaya, 1 de agosto de 2013)