LECCIÓN 55
Dekengijna ngai congregacioantha
Nguixin ngataʼa Nunthe, tsje millón de chujni asta techekana nchesayeʼena Jehová ngai tsje jino de congregación. Ni cristiano teʼi anto ncherenthena thi dituʼena ko xraguena nthi̱ʼa, ko anto jian thengijnana ngai kain thi rugunda ngai congregación. A jaña dekunuʼan suixin ngai congregacioantha.
1. Kexrein nchao sekengijna congregacioantha kunixin tiempoantha ko thi tsangaxintha
Kainxiná nchao tsje sunthuʼuna ngai congregación. Ínchi jiʼi, a jii chrujan ni ujunchjan o ni niʼi ngai congregacioantha. A nchao segatho segirueʼena ko sekjiuʼuna ngai reunión. A nchao sekengijnana ngai thi rugundeʼena, ínchi sekji ndasin o sincheruantha nduʼana (tsjeʼe Santiago 1:27). Kai nchao tsengijnaná para tsuruʼa Nchia Xrathexiná ko sayakuʼená nchia. Xruʼin kensen ndathjuná ke sunthuʼuna jiʼi; icha jian nthuʼuna ixi dachrjexin de jaʼana ko ixi thjueʼená Dio ko ni chuuná (Salmo 110:3).
Ni udigithe kai nchao sincheʼena icha xrá para tsengijnana congregación. Ni chuuná ke nchexethja thi danchia ngaa Biblia nchao sinthena de siervo ministerial ko, kai nchao, sinthena de anciano. Ko kaina, tanto ni chuuná ko ni chuana, nchao sinthena de precursor para sincheʼena icha xrá de sikauna juajna jian. Kai, inchi ni testigo ncheʼena xrá ngai thi jitunchjian icha Nchia Xrathexiná. Ko i kaxina sathjina inaa rajna para thengijnana naa congregación ke rungundeʼe ni sikao juajna jian.
2. Kexrein nchao tsengijnaná congregacioana kunixin tumiana ko icha de thi techundaná
Biblia ndachro: “Nchegangi Jehová kunixin thi renthe ke richunda” (Proverbios 3:9). Para jaʼana naa juajni anto renthe are nthugundana tumiana ko icha thi chundaná para thengijnaná congregacioana ko kai ke thengijnaná ke juajna jian siji nguixin ngataʼa Nunthe (tsjeʼe 2 Corintios 9:7). Ko kunixin tumiana kai thengijnaná ni chuuná ke tedatho thi tángi. Tsjená chundana naa jian costumbre de “dantsjendaná” inchi tumi para dajuná (tsjeʼe 1 Corintios 16:2). Nchao tsengachjiani ngai caja ke te ngai Nchia Xrathexiná o rurua̱ʼani mediante página donate.jw.org. Jehová rinao ke sunthugundana thi techundaná para tsjaguexiná ke anto thjueʼená.
TANGI ICHA
Rutsjeʼená kexrein nchao sekengijna ngai congregación.
3. Nchao senchegunda thi renthe ke rechunda
Jehová ko Jesús anto thjueʼena thi ni asta techexin dajun de thi chunda. Jesús anto juincherenthe thi juincheʼe naa nchrigaʼan ke anto nuua ke bajun de thi bechunda. Tsjeʼera Lucas 21:1-4 ko tjaura de jiʼi:
A chunda ke anto tsje sajuná de thi chundaná para ke Jehová ruchee.
Kexrein tunuʼen Jehová ko Jesús are dajuná de thi dachrjexin de ngai ansaana.
Para sekunuʼan kexrein dunda tumi ke dajuná, tsjeʼera VIDEO. Kuthejan tjaura de jiʼi:
Kexrein thengijna kain congregación ke te ngataʼa Nunthe tumi ke dajuná.
4. Nchao sekengijna ngai thi rugunda
Ni nchexree Jehová de are saʼo anto bacheena bagayakuʼena thi baxrathexina, ko jiʼa juʼo bagajuna tumi. Tsjeʼera 2 Crónicas 34:9-11 ko tjaura de jiʼi:
Keʼe juincheʼe kainxin ni israelita para bayakuʼena “nchianduʼa Jehová”, o thi baxrathexina para banchesayeʼena Ndo.
Para rutsjeʼená kexrein ncheʼe ni testigo de Jehová xrajuʼo jai nchauana, tsjeʼera VIDEO. Kuthejan tjaura de jiʼi:
Unda anto renthe ke ngai Nchia Xrathexiná thjua seʼe ko tachrjuin sikuni.
Kekaa nchao sencheʼe suixin.
5. Ni chuuná nchao sincheʼena icha xrá ngai congregación
Biblia ndache ni xii ke nchao tanuinka sincheʼena para sangina espiritualmente, ko jaña nchao tsengijnana icha ngai congregación. Rutsjeʼená keʼe juincheʼe naa ni chuuná, tsjeʼera VIDEO. Kuthejan tjaura de jiʼi:
Kekaa juincheʼe Ryan para ke bangi espiritualmente ko jaña kuengijna icha ngai congregación.
Biblia ndachro kekaa chunda ke sincheʼe ni chuuná ke rinao sinthe de siervo ministerial ko anciano. Tsjeʼera 1 Timoteo 3:1-13 ko tjaura de jiʼi:
Keʼe chuʼená de ni chuuná ke rinao sincheʼe xrá de siervo ministerial ko anciano.
Keʼe chuʼeni de ni nchianduʼana (Tsjeʼera versículo 4 ko 11).
Si ni chuuná asta nuinka ncheʼena para nchexethjana thi xranchia, kexrein tsengijna jiʼi congregación.
THI DANCHANGI INCHINA: “Thino dantsjexin ni testigo de Jehová tumi dundeʼena”.
Keʼe ruegatheʼe.
THI KUANGINÁ
Jehová ncherenthe kainxin thi nthuʼuna para thengijnaná congregación kunixin tiempoana, thi tsangaxiná ko kain thi renthe ke chundaná.
A xraxaun thi kuangi
Kexrein nchao tsengijnaná congregación kunixin tiempoana ko thi tsangaxiná.
Kexrein nchao tsengijnaná congregación kunixin thi renthe ke chundaná.
Kexrein ruenthaxruxiʼan suixin ke ruekengijna congregación.
THJEE ICHA
Detsjeʼe unda Dio i chueʼan ke ni nchexree sajuna thi diʼin diezmo.
Biblia ndachro kekaa xrá nchao sincheʼe ni xii ke udigithe aro keʼe jii si naa ni nchrii chunda ke sincheʼe xrá jiʼi
“El principio de autoridad en la congregación” (La Atalaya, febrero de 2021)
Degatsuan inchi ni Testigo ke xrauʼana ko detsjeʼe kekaa juincheʼena para ke ni chuuná rugayeena thi rujinena espiritualmente.
Kexrein chjeya Biblia ko icha xruun ngai rajna Congo (4:25)
Detsjeʼe ke xro testigo de Jehová jiʼa xrajuʼo ntha̱ʼana ke icha religión.
“¿Cómo se financia la obra de los testigos de Jehová?” (Artículo de jw.org)